Bail de location pour un an de forces à tondre draps de laine, consenti par Jehan du Souchays, tondeur à Saint-Symphorien, à Jehan Rogier, aussi tondeur à Tours . 1 écu.



Le dernier jour d’aoust l’an mil IIIIc LXXIII, personnes establyz Jehan de Sourchays, tondeux, et Jehanne, sa femme de luy suffisamment auctoriser quant ace parroissiens de Saint Cyphorian du pont de Tours soubzmettant etc. Lesquelx ont confessé avoir et tenir a tiltre de loaige de Jehan Rogier aussi tondeux demourant a Tours ace present lequel leur a baillé que ilz disoient une paire de forces a tondre draps de layne a la forge de la torrecte esmolues defroys du jourduy en ung an prouchain venir pour le pris et somme de ung escu d’or du coing du roy notre sire lequel escu ou monnaie a la valleur lesditz establiz ont promis et promectent bailler et paier. Et avec ce rendre lesdites forces esmolues que ilz sont de present audit Jehan Rogier de cedit jourduy en ung an prochain. Obligeant etc renonçant etc foy etc. Presents ace Everart Hameline et Estienne Clemens, tesmoings. [Signé] Jaloignes J.





text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO468600.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)