Quittance de 700 livres tournois, reçue par Jean Frotté, sieur de La Rambellière, gentilhomme servant en la maison du roi de Navarre , fils de Jean Frotté, sieur de Coulerme et de Jeanne Lecoustellier, de la part de son oncle, Thomas Le Coustellier, maître d'hôtel de la maison du roi de Navarre , qu'il lui devait en vertu de l'héritage et succession de Catherine Legnay, dame de Saint Pater.



Le dixiesme jour d'aoust l'an mil cinq cens soixante dixhuict, en la presence de nous, Charles Bertrand, notaire royal et garde notes a Tours , soubzsigné, et des tesmoings cy apres, noble homme Jehan Frotté, sieur de La Rambelliere et gentilhomme servant en la maison du roy de Navarre , filz de deffunct noble homme Jehan Frotté, vivant sieur sieur de Coulerme, et de damoiselle Jehanne Le Coustellier dame de Haye, ses pere et mere, ou nom #(a) confesse avoir eu et receu presentement, manuellement et comptant, en notre presence et desdits tesmoings, de noble homme Thomas Le Coustellier, escuyer, sieur du Puy et maitre d'hostel de la maison dudit sieur roy de Navarre , oncle dudit sieur de La Rambelliere, la somme de deux cens trente troys escuz sol. et ung tiers en deux cens escuz d'or sol. /(b) Trente escuz pistolletz d'Espaigne et en realles quatre escuz sol. et ung tiers pour et au lieu de la somme de sept cens livres t., en laquelle somme ledit sieur du Puy estoyt demeuré redevable envers ladite damoiselle de Haye, sa seur, pour le retour de partaige faict entre eulx de la sucession de deffuncte damoiselle Catherine Legnay, vivante dame de Saint Pater, vivante leur grand mere, et pour raison de laquelle somme payable cy dessus ledit sieur du Puy faisoyt proffict et interest a ladite damoiselle de Haye de la somme de trente cinq livres t. de rente par chacun an, les aireages de laquelle rente ledit sieur de La Rambelliere, oudit nom, a paraillement confessé avoyr eu et receu dudit sieur du Puy, sondit oncle, auparavant ce jour #(c) et quant procureur, par vertu de procuration specialle a luy passee par ladite dameoiselle de Haye, sadite mere, par devant Barbier et Leconte, notaires, tabellions, jurez en les chastellenye d'Allençon , en dabte du dixhuictiesme jour de juing dernier passé, et scellee de cyre v[er]d +(d) et de laquelle somme de deux cens trente troys escuz sol. et ung tiers ensemble de, et interestz, proffict arreages et re et rente d'icelle jusques a huy, ledit sieur de La Rambelliere, oudit nom, s'est tenu comptant et bien payé et en a quicté et quicte ledit sieur du Puy et les siens, et promys les en acquicter vers ladite damoiselle de Haye, sadite mere, et tous autres qu'il apartiendra. Faict audit Tours , ès presences de Gilles Billaud, maitre orfebvre audit Tours , et Claude Chollet demourant audit Tours , tesmoigns a ce requis et appellez /(e) Constat en interligne ses pere et mere au nom /(f) d'or /(g)Haye, sa seur /(h) vivante /(i) les aireages /(j) oudit nom /(k) procureur aireages jusques a huy que approuvent.
[Signé] Jehan Frotté, Bertrand, G. Billaut, Claude Chollet.





Notes :

a. Signe inscrit par le scribe. — b. Signe inscrit par le scribe. — c. Signe inscrit par le scribe. — d. Signe inscrit par le scribe. — e. Signe inscrit par le scribe. — f. Signe inscrit par le scribe. — g. Signe inscrit par le scribe. — h. Signe inscrit par le scribe. — i. Signe inscrit par le scribe. — j. Signe inscrit par le scribe. — k. Signe inscrit par le scribe.



text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO469481.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)