Contrat de mariage entre Blaize Bellot, praticien au siège présidial de Tours , fils de feu Jean Bellot et de Claude Brethault (Savonnières ) d’une part et Michelle Loppin, fille de feu François Loppin et d’Anne Marbault, demeurant à Tours (paroisse Saint-Saturnin) chez Gatien Marbault, conseiller et secrétaire des roi et reine de Navarre , son oncle et curateur, d’autre part. Le mariage sera célébré en face de la Sainte Eglise Les futurs se font une donation mutuelle.
Les témoins du futur sont Claude Bellot, ouvrier en draps de soie (Tours , paroisse Notre-Dame-la-Riche), son frère, Marie Girard, veuve de Jean Guetier (?), sieur du Coudray, François de Ligny et Marie Brethault, femme de Denis Leconte, maître boulanger.
Les témoins de la future sont, outre son oncle, Claude Deplays, sieur de l’Ormaye, conseiller et secrétaire de la reine mère du roi, Victor Brodeau, sieur de Candé et de La Chassetière, conseiller et secrétaire des roi et reine de Navarre , Victor Gardette, sieur de Varennes, conseiller du roi, lieutenant général criminel au bailliage de Touraine , dame Catherine Deplays, delle Jehanne Barguin, veuve de René Gardette, sieur de Varennes, premier conseiller et magistrat au siège présidial de Tours , Marie Courtin, épouse dud. Victor Brodeau, Marie Mandat, épouse de Jullien Odin, sieur des Grandes Maisons, conseiller et maître des comptes de Mgr, Marguerite Brodeau, épouse de Jehan Leroyer, sieur de Panchay, conseiller et secrétaire des roi et reine de Navarre , Renée Lasneau, épouse dud. Victor Gardette, Isabeau Falaiseau, épouse dud. Gatien Marbault, Catherine Mandat, épouse de Jehan Dutertre, tous parents ou amis.



Le quatriesme jour d’aoust l’an mil cinq cens quatre vingtz, en la court du roy nostre sire et de monseigneur a Tours , par devant Charles Bertrand, notaire et gardenotes, juré et estably en icelle furent presens, en leurs personnes maitre Blaize Bellot, practicien au siege presidial de Tours demourant audit Tours pairoi, en la maison de honnorable homme maitre Jullien Bellay, advocat au siege presidyal dudit Tours , filz de deffunctz honnestes personnes Jehan Bellot et Claude Berthault, ses pere et mere, vivant demourans au bourg de Savonnieres , d’une part. Et Michelle Loppin, fille de deffunctz maitre Francois Loppin et Anne Marbault, aussi ses pere et mere, demourante audit Tours , en la pairoisse Saint-Saturnyn, en la maison de noble homme Gatien Marbault, conseiller et secretaire des roy et royne de Navarre , son oncle et curateur a sa personne et biens, d’aultre part. Lesquelz deuemens soubzmis etc. ont confessé avoir, ce jour d’huy par le conseil de leurs parens et amys cy apres, faict et font entre eulx les accords, traicté et pourparlé de futur mariage, promesses et obligations qui s’ensuyvent, c’est assavoyr que ledit Bellot du voulloyr conseil et consentement d’honorable homme dudit Boullay [sic, pour Bellay] son maitre et de Claude Bellot, ouvrier en soyes demeurant en la parroisse de La Riche dudit Tours , son frere aysné, de Marie Girard, veufve de feu Jehan Quetier, vivant sieur du Couldry, Luyse Quetier, femme d’honorable homme Francoys Deligny, et de Marie Brethault, femme de Denys Leconte, maitre boullanger audit Tours , ses cousins a ce presents, et aultres ses parens ausquelz il a dict en avoyr conferé aprouv. et promect de prendre a fe par loy de mariage a femme et espouze ladite Michelle Loppin avec tous et chacuns ses droictz [1v°] et a pareil ladite Loppin o l’auctorité voulloyr et consentement dudit sieur Marbault, son oncle et curateur susdit, et par l’advys et conseil de nobles hommes Claude Deplays, sieur de Lormaye, conseiller et secretaire de la royne mere du roy, Victor Brodeau, sieur de Candé et de La Chassetiere, conseiller et secretaire d’estat desdits sires roy et royne de Navarre , et maitre Victor Gardette, sieur de Varennes, conseiller du roy et de mondit seigneur et lieutenant general criminel au bailliage de Touraine et siege presidyal de Tours , et de dame Catherine Deplays, dame du Tertre, et damoiselles Jehanne Barquyn, veufve de feu noble homme maitre René Gardette, vivant sieur de Varennes, et premier conseiller et magistrat au siege presidyal dudit Tours , Marie Courtin, espouze dudit sieur de Candé et de La Chassetiere, damoiselle Marie Mandat, espouze de noble homme Jullien Odin, sieur des Grands Maisons, conseiller et maitre des comptes de mondit seigneur, Marguerite Brodeau, espouze de noble homme Jehan Le Royer, sieur de Pauchien, conseiller et secretaire desdits s des commandements desdits roy et royne de Navarre , damoiselle Renee Lasneau, espouze dudit sieur de Varennes lieutenant criminel, damoiselle Ysabeau Falaiseau, espouze dudit sieur Marbault, damoiselle Catherine Mandat, espouze de noble homme Jehan du Tertre, et desdites dames Girardet, femme Deligny aussi a ce presents. Tous proches parens alliez et amys de ladite Loppin a promys et promect prendre a mary et espoux ledit Claude Blaise Bellot Blaize Bellot et en sollempniser les espouzailles en face de Sainte eglise [2v°] s’il ne se trouve empeschement legitime toutesfoys et quantes que tous lesdites partyes en requiera l’autre en faveur et contemplation duquel mariage lequel autrement n'eust esté faict lesdits futeurs espoux se sont faict et font respectivement domiaison muttuelle l'un a l'autre et au survivant d'eulx deulx de tous et chacuns leurs biens meubles, debtes et toutes autres choses causees et reputees pour meubles a perpetuytté qu'ilz auront et pourront avoyr lors du deces du preceddé au cas qu'il decedde sans enffans procreez de leur mariage a la charge de faire par le survivant les fraiz funeraulx payer et acquicter les debtes [...] [3r°] [...] suyvant la coustume de ce pays et duché de Touraine [...] Et aussi en faveur dudit mariage lequel autrement n'eust esté faict comme dict est lesdits sieur Marbault et damoiselle Falaizeau, son espouze, de luy auctorisee quant a ce, ont donné, quicté et remys et par ces presentes donnent, quictent et remectent de leur pure et franche vollonté et liberallité ausdits futeurs espoux la nourriture, pension et entretenement qu'ilz eussent peu et pourroyent demander a ladite Loppin, future espouze, pour avoyr icelle nourrye, vestue et entretenue en leur maison des et depuys le temps de quatorze ans ou environ qu'elle a tousjours demeuré en leur maison jusques a present et outre promys icelle future espouze vestir et habiller de vestement et acoustremens nuptiaulx a leur despens sellon sa quallité et quant a tout etc. obligent lesdites partyes et chacun respectivement l'une vers l'autre et chacun endroict soy avec tous etc. renoncans etc. promys etc. foy etc. [3v°] jugez etc. Ce fut faict et passé audits Tours en la maison desdits sieur et damoyselle Marbault environ l'heure de quatre heures d'apres midy dudit jour es presences de Guy Allard, practicyen en court, Loys et Pierre Boucher et Jullien Pavyn, aussi practicyens demeurant audit Tours tesmoins.
[Signé :] Bellot, Marbault, Michelle Lopin, Deplays, N. Boullay, Brodeau, Bellot, Gardette, G. Allard, Barquyn, Marie Courtin, Marie Mandat, Marguerite Brodeau, R. Lasneau, Ysabeau Falaiseau, Caterine Mandat, Loyse Quetier, J. Pavyn pour present, P. Boucher, Bertrand.
[Les femmes signent dans une liste, à l'exception de la future mariée]





text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO469602.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)