Acte impliquant Pierre Sauvage, sieur de La Touche, ayant charge de Jean Aucher et de François Lepelletier, fournissant l’argenterie du roi, d’une part et Gaillard Galland, sieur de Vallières, conseiller du roi de Navarre , d'autre part.



[Transcription partielle :] honorable homme Pierre Sauvage, sieur de La Touche, pour et au nom et comme ayant charge quant a ce de nobles hommes Jehan Aucher et Francoys Lepelletier, cy devant fournissans l'argentiere du roy nostre sire, s'est transporté par devers noble homme maitre Gaillard Galland, sieur de Vallieres, controlleur general conseiller du roy de Navarre et controlleur general de ses finances, auquel parlant a sa personne trouvé en sa maison audit Tours , tant pour luy que pour le sire de La Marcilliere(1) ledit Sauvage a prestenté une ordonnance et mandement dudit seigneur roy de Navarre , faicte en son conseil tenu a La Rochelle , le vingtme jour d'avril [1582], signé Henry et plus bas Demazellieres, et scellé adressante aux sieurs du Puy(2), de La Marcilliere et de Vallieres, par laquelle leur est mandé et ordonné par ledit seigneur roy, qu'ayant par eulx veu et deuement veriffié le debte de la somme de six cent sept livres y mentionnee, ilz la facent payer ausdits Aucher et Lepelletier, de telle nature de deniers qu'ilz adviseront, selon et ainsi qu'il est plus amplement contenu et declaré par icelle ordonnance, a laquelle sont attachees soubz l'ung des contresignetz dudit seigneur les originaulx des partyes, extraictz, requestes et ordonnance concernans ladite somme, a moyen de quoy ledit Sauvage, [1v°] esdits noms, a pryé et requis ledit sieur de Vallieres icelle ordonnance veoyr et veriffier, et en ce faisant icelledite somme faire payer ausdits Aucher et Lepelletier, selon et suyvant qu'il est mandé et ordonnee par ladite ordonnance, de laquelle ensemble desdites partyes extraictz requestes et ordonnance y attachees et, de ces presentes, a esté laissé coppie audit sieur de Vallieres, tant pour luy que pour ledit sieur de La Marcilliere, attendu que pareille instimation a esté cy devant par nous faicte audit sieur du Puy, aussy y desnommé. Ledit sieur de Vallieres a dict, ainsi qu'a faict aparoir [...], que de present il n'a plus aulcune charge de la cession mensionnee par ladite ordonnance dudit seigneur roy de Navarre , et sur ce que ledit sieur de Vallieres a esté interpellé sur la veriffication de ladite partye mentionnee au present acte, a declaré qu'il tient pour son regard ladite partye pour bien et deuement veriffié, dont audit Sauvage, audit nom, ce requierant avons octroyé le present acte pour servir ausdits Aucher et Lepelletier ce que de raison. Faict audit Tours , en la maison du sieur Forget, advocat au siege presidyal de Tours , apres midy dudit jour, presents Jehan Besnard, organiste, et Guillaume Riverain, clerc, demourans audit Tours , tesmoings.
[Signé] Jehan Besnard, Galland, Sauvaige, G. Riverain, Bertrand.





Notes :

1. Le sieur de La Marcillière correspond à Jérôme Berziau. — 2. Le sieur du Puy correspond à Thomas Lecoustellier, conseiller du roi de Navarre et maître ordinaire de son hôtel.



text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO470021.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)