Vente d’une rente à Pierre Frémondière, chanoine prébendé de l’Église de Tours 
par Claude Renazé l’aîné, sieur de Quincampoix et de La Burerye, bourgeois de Tours , par Claude Renazé le jeune et Esther Feret sa femme et par Loys Feret (Tours , paroisse Saint-Pierre-du-Boile). Loys et Esther Feret, enfants et héritiers de feu Étienne, marchand, se font fort d’Étienne Feret leur frère, secrétaire de la chambre du roi de Navarre .
[Transcription partielle] Le dernier jour de juillet l'an mil cinq cens quatre vingtz sept, en la court du roy notre sire a Tours , par devant Charles Bertrand et Vincent Patrix, notaires royaulx en ladite court, furent presens en leurs personnes establiz et deuement soubzmis au pouvoir et juridiction de ladite court honnorables hommes Claude Renazé l'aisné, sieur de Quinquempoix et La Burerye, bourgeois de ceste ville de Tours , maitre Claude Renazé le jeune et Hester Feret, sa femme, de luy presentement auctorisee, et Loys Feret (marchand audit Tours ) demourans les dessusdits en cestedite ville de Tours , paroisse de Saint-Pierre-du-Boille, lesdits Loys et Hester Feretz, enffans et heretiers de deffunct Estienne Feret, vivant marchant demeurant en cestedite ville de Tours , parroisse de Saint-Pierre-du-Boille, eulx disans estre eagez de plus de vingt cinq ans chacun d'eulx ce qui a esté certiffié par lesdits Renazé pere et fils et encores lesdits Renazé le jeune et sadite femme ensemble ledit Loys Feret eulx faisans et portans fors de noble homme Estienne Feret, leur frere, secretaire de la chambre du roy de Navarre et duquel ilz on dict avoir les droictz et toutesfoys ont promis et promectent luy faire ratiffier et avoyr pour agreable le present contract toutesfoys et quantes que requis et mestier sera a peine de tous despens dommages et interestz lesquelz Claude Renazé l'aisné ensemble ledit Renazé le jeune et sadite femme avec [1v°] ledit Loys Feret et oudit nom [...] ont Confessé avoyr ce jourd'huy vendu et constitué [...] a venerable et discret maistre Pierre Fremondiere, chanoyne prebende en l'eglise de Tours , demourant au cloistre de ladit eglise a ce present [...] C'est assavoyr la somme de 53 ecus sol 1/3 revenant a huict vingt livres de rente annuelle et continuelle [...] assize et assignee speciallement sur le lieu closerye et apartenances de Pourcaché situé et assys au bourg de Maillé , parroisse de Saint-Geneviefve dudit lieu consistant en ung corps de logis composé de troys chambres a feu et antichambre troys greniers dessus et une court dans laquelle est ung pressouer, ung fenil dessus, une estable, puys, four et chambre sur ledit four en ladite court joignant d'une par a l'aistre des hoirs feu maitre Marc Bourru, vivant procureur audit Tours , plus ung autre corps de logis consistant en une salle basse chambre dessus et grenier joignant au grand chemyn tendant dudit Maillé a Ambillee et Pernaye . Item ung grand jardin devant ledit premier corps de logis de chemyn entre deux ledit jardin enfermé de murailles le puys au millieu contenant ung arpent de terre en carré a l'yssue duquel par le derriere mene a cinq caves en roche, plus y a de costé et d'autre dudit logis deux jardins l'un planté d'une cerisaye et l'autre affronté des arbres contenant ung arpent ou environ le tout cloz de murailles. Item six arpens de vigne dont y en a quatre arpens en une piece deux arpens en deux pieces joignant [...] au fief du conté de Maillé [...]. Item le lieu et mestairye scitué en la paroisse de Saint-Genin [...]. Plus en prez Saullays et Ysle quatre arpens et ainsy que lesdites choses ont apartenu audit deffunct Estienne Feret et monnans de son acquest et de deffuncte Simone Rousseau, sa femme en premieres nopces, estans au fief de chappitre de l'eglise de Tours [...] Et autre sur le lieu mestairye clouzerye et apartenances de La Burerye situé et assys en la paroisse de Beaumont-de-la-Ronce contenant [...] (la rente) moyennant le pris et somme de 666 écus sol 2/3 revenant a 2.000 livres tournois [...] faict et passé audit Tours en la maison dudit Renazé l'aisné apres midy les jour et an susdits.
[Signé :] C. Renaze, C. Renaze, Hester Feret, L. Feret, Bertrand, Patrix.
[07.03.1588 :] [...] ledit venerable maitre Pierre Fremondiere a reçu desdits Claude Renazé l'aisné et le jeune vendeurs ci-dessus la somme de 200 écus sol. sur et en dedans de la somme de 666 ecus 2/3 plus 26 ecus 2/3 [...] faict audit Tours en l'estude dudit notaire avant midy presens René Yvonnet et Pierre Quenault, clercs.
[Signé :] P. Fremondyere, Bertrand, R. Yvonnet, P. Quenault present.
