Inventaire après décès de Jacques Bigot (9)
Mercredi 2 décembre 1587, matinée : inventaire du mobilier (meubles de bois et tapisseries)
La suite de l’inventaire après décès de Jacques Bigot se trouve sous ce même jour mercredi 2 décembre 1587 après-midi.



[p. 41 f. 21a, suite] Et led. jour de landemain, deuxiesme jour de decembre mil cinq cens quatrevingt sept, en la maison dud. deffunct sieur de Bois-Jhesus, a ladicte heure de huict attendant neuf heures du matin, se sont comparuz lesd. parties a lad. assignation a eulx baillee led. jourdhui, comme en l’assignation preceddante. Et après lesquelles comparutions et pour procedder a la description du reste desd. meubles et appartenances d’iceulx de lad. succession, nous a led. Delande [i.e. Delalande] sergent royal et priseur vendeur, presenté, pour priser et estimer lesd. meubles, des personnes de Catherine Duboys, femme de Mathurin Deplays, demeurant en la paroisse Saint-Pierre-Puilier et Mauricette Grillement, femme de Jacques Ogeron, demeurant en la paroisse Nostre-Dame-de-l’Esccrignole, marchandes fripieres, convenues par lesd. parties ; desquelles avons prins et receu le serment au cas requis et accoustumé et, ce faict, avons proceddé a la description dud. inventaire et [p. 42, f. 21b] appretiation desd. meubles, comme s’ensuyt.

MEUBLES DE BOIS

– En la salle basse joignant la boutique respondant sur la Grant-Rue.
Premierement une grande table tirante de boys de noyer, assise sur un treteau a l’antiquité, avec sa benselle ou soubzpied, appretiez ensemble a 2 escuz.
Item, une grand banselle boys de noyer appretiee 10 solz
Item, ung buffet de salle, boys de noyer, a pilliers tournez, ayent une liette par le meilleu, fermant a clef, appretié 1 escu ung tiers.
Item, six chezes, garnyes de cuyr, troys de coulleur rouge et les troys aultres de coulleur jaulne, appretiees a XV sols piece : 1 escu et demy
Item, cinq escabeaulx carrez a pied tournez, boys de noyer, telz quelz, a sept solz six d.t. piece, cy : 37 solz 6 deniers.

– En la chambre sur lad. salle :
Une grande table ayens deux battans au bout foncee, boys de noyer, appretiee 1 escu ung tiers.

– En une petite chambre respondant sur lad. Grant-Rue :
Une cheze presee, boys de noyer, telle quelle, appretiee 15 solz.
VII escuz XII solz VI deniers t. [7 écus 12 sols 6 deniers t.]
– En une salle basse du corps du logis neuf, respondant sur la place de la Foyre le Roy :
Un table tirante de boys de noyer, assise sur quatre [p. 43, f. 22a] coulonnes, appretiee à II escuz et demy
Item, deux benselles : une grande et une petite, de boys de noyer, appretiees, l’une portant l’autre a 15 s.t.
Item, ung petit buffet de salle, ayent une liette tirante, avec le dessus dud. buffetz fermans a clef, le tout de boys de noyer, appretié : I escuz deux tiers
Item, cinq cheses de tapisserye, troys grandes et deux basses, appretiees a vingt cinq solz piece, l’une portant l’aultre, cy : 2 escuz 5 solz.
Item, troys escabeaulx de boys de noyer, gaudronnez, appretiez chascun dix solz piece, cy : 30 sols.
Item, troys caquetoires, boys de noyer, appretiees dix solz piece, cy : 30 solz.
Item, ung lavouer de boys de noyer, appretié 7 solz 6 deniers.

– En la cuysine joignant lad. salle :
Une table de cuysine, ayent deux fenestres aux deux boutz, avec sa banselle, le tout de boys de chesne, appretiez ensemble 20 solz.

– En la chambre estant sur lad. salle dud. logis neuf :
Une table tirante, assise sur quatre coullonnes, boys de noyer, appretiee a 2 escuz et demy.
Item, deux benselles une grande et l’autre plus petite, aussy boys de noyer, appretiees, l’une portant l’autre a 15 s.t.
X escuz XLII solz VI deniers t. [10 écus 42 sols 6 deniers t.]
[p. 44, f. 22b]
Item, six chaizes, boys de noyer, gaudronnees, appretiees, chacune a vingt cinq solz, cy : 2 escuz et demy.
Item, troys escabeaulx tournez, aussy de boys de noyer, appretiez dix solz piece, cy : 30 sols.
Item, une petite caquetoyre, boys de noyer, ayent [blanc] appretiee 10 solz.
Item, une autre petite caquetoyre, telle quelle, ayent ung pillier par le meilleu appretiee 3 solz.
Item, ung lavouer de boys de noyer, appretié a 12 solz.
Item, deux tabouretz couverts de tapisserye faicte au gros point, appretiez a vingt solz piece, cy 40 solz.
Item, deux autres tabouretz aussi couverts de tapisserye, faits a poinct de Hongrie, telz quelz, appretiez a dix solz piece, cy : 20 solz.
Item, ung grand charlit de boys de noyer tout plain garny de ses verges, appretié a 2 escuz et demy.
Item, ung grant tableau sur la chemynee de lad. chambre, dedans lequel est protrait l’histoire de Joseph, appretié 1 escu.
Item, ung autre tableau estant sur la porte et entree d’icelle chambre, tel quel, appretié : 10 solz.
– En la chambre joignante celle cy-dessus :
Une table qui se ploye des deux costez, assise sur un tresteau, appretié 1 escu.
Item, une couchette, boys de noyer, toute playne, appretiee a 1 escu ung tiers.
Item, une cheze persee ayant ung couvercle dessus, telle quelle, appretiee a 10 solz.
X escuz XXXV solz t. [10 écus 35 sols t.]
– En la chambre haulte en laquelle est le magazin :
Une grande table de boys de noyer, tirante par les deux [p. 45, f. 23a] boutz, assise sur ung treteau, feczon a l’anticquité, appretiee a 2 escuz.
Item, une table servant de comptouer, ayant deux petites liettes fermantes a clef, boys de chesne, appretiee a 50 solz t.
Item, une autre grand table assise sur deux treteaulx tournez a quatre pilliers de boys de noyer, appretiee a 40 solz t.
Item, ung banc lict faict faict a doulcier aussy boys de noyer avec une petite bancselle, appretiee 1 escu.
Item, six banselles boys de noyer, appretiee dix solz piece : 1 escu.
Item, ung buffet a deux guichetz et une liette tirante fermantz a clefz, boys de noyer, gaudronné, appretié a 3 escuz ung tiers.
Item, une paire de grandes armoyses a quatre fenestres, bois de chesne, appretié a 1 escu ung tiers.
Item, un coffre de bahu, tel quel, fermant a clef, appretié 40 solz t.

– En la haulte chambre dud. corps de logis neuf :
Une table, telle quelle, boys de noyer, assise sur deux treteaulx, appretiee : 20 solz.
Item, une autre petite table neufve, assise sur ung treteau qui se abat par deux costez, appretiee 50 solz t.
Item, ung grand charlit de boys de noyer faict a l’imperialle, tel quel, appretié 1 escu ung tiers.
XIII escuz ung tiers. [13 écus 1/3.]
[p. 46, f. 23b] Item, une cheze couverte de tapisserye faite au point de Hongrie , telle quelle, appretiee 20 solz.
Item, ung escabeau, tel quel, appretié a 3 solz.

– En la chambre estant au dessus celle dud. magasin :
Une table tirante assise sur quatre coulonnes de boys de noyer, appretiee 2 escuz.
Item, ung buffet ayent deux guichetz et deux liettes, fait a tourneures et moulleures, appretiez 1 escu.
Item, ung grand charlit de boys de noyer tout plain avec ses verges, appretié 2 escus et demy.
Item, une couchette, aussi boys de noyer, pareille façon, appretié 1 escu.
Item, quatre vieilles chezes, telles quelles de boys de noyer façon a poterye tournees, appretiees a VII solz 6 d.t. piece, cy 30 solz.

– En la chambre haulte estant sur la cuysine du grand corps de logis
Une petite pere d’armoyse a trois fenestres, boys de chesne, fermant a clef, appretiee a ung escu : 1 escu.
Item, une table, boys de chesne avec ses tresteaulx, telle quelle, appretiee a 15 solz.
Item, une vieille cheze persee, boys de chesne, telle quelle, appretiee 5 solz.
Item, ung petit charlit a athele, tel quel, appretié 5 solz.
VIII escuz XLVIII solz t. [8 écus 48 sols t.]
[p. 47, f. 24a] Item, ung coffre de bahu, appelé demye garde robbe, appretié 1 escu ung tiers.
Item, ung petit coffre de boys de noyer, fermant a clef, appretié 10 solz.
Item, deux rouetz de boys a filler, appretiez les deux ensemble : 15 s.t.

– En ung galtatz estant sur lad. chambre cy dessus :
Ung grand coffre de boys de noyer, fermant a clef, appretié 1 escu 2 tiers.
Item, ung autre coffre de boys de noyer, non fermant a clef, appretié 1 escu.
Item, ung autre coffre faict a imagerye, de boys de noyer, tel quel, fermant a clef, appretié 40 solz.
Item, ung autre grand coffre a l’enticquité, de boys de noyer, fermant a clef, appretié 40 solz.
Item, une paire d’aumoises a quatre fenestres, boys de chesne, deux d’icelles fermant a clefz, appretiees 50 solz.
Item, ung vieil marchepied (1) fermant a clef, appretié 10 solz.
Item, ung banc tourné sans sa relle (2), boys de noyer, appretié 15 solz.
Item, ung bahu fermant a clef, tel quel, appretié 40 solz.
Item, troys vieilz escabeaulx, telz quelz, appretiés ensemble 5 solz.
VII escuz XLV solz t. [7 écus 45 sols t.]
[p. 48, f. 24b]
Item, une chaize de bois de chesne appretiee 4 solz.
Item, ung petit coffre de bahu ferré, appretié : 1 escu.
Item, une guesse de sapin, appretiee : 10 sols.
Item, quatre quaquetoues couvertes de toille de vellours verte figuree, appretiez a quinze solz piece, cy 1 escu.
Item, le fustz d’une cheze a faire couvryr, appretiez a 10 solz.
Item, une paire de panniers a clisse, fermant a clef, appretiees a 10 sols.

TAPISSERYE, cielz et autres meubles de layne.
Ung grand tappi de layne au point coude [courbe] (?) ayant de longueur une aulne troys quartiers, appretié 4 escuz.
Item, ung autre grand tappiz de Turquye , de longueur deux aulnes et cinq quartiers de large, appretié 3 escuz ung tiers.
Item, ung autre grand tappi de layne rehaulsé de soie, ayant de longueur deux aulnes, ou environ, et de largeur cinq quartiers et dans lequel est portraict l’histoire sainte Suzanne, appretié 10 escuz.
Item, deux carreaulx de tapisserye, faict au gros poinct, garnyz de cuyr rouge appretiez a 15 solz piece, cy 30 solz.
XX escuz XXIV solz t. [20 écus 24 sols]
[p. 49, f. 25a] Item, une chaize de tapisserye faite au gros poinct, appretié 1 escu 2 tiers.
Item, ung ciel de sayette de lict bastard, couvert de broderye, tel quel, garny de ses rideaulx, appretié 2 escuz.
Item, deux aultres de cielz de sayette rouge, vert et jaulne garniz de leurs rideaulx, appretiez, chascun avec sa garniture, 1 escu 1 tiers, et lesd. deux cielz soulloyent estre au lieu de Saint-Cire [Saint-Cyr ], cy : 2 escuz 2 tiers.
Item, ung grand rideau de sayette rouge et vert, appretié 20 solz.
Item, ung autre ciel tel quel, de tapysserye, faict a feuilletin, sans rideaulx, appretié 20 solz.
Item, ung ciel d’escarlette faict a broderye couvert de vellours viollet, avec ses rideaulx de camelot rouge de passement dessus, appretié a 15 escuz sol., cy : 15 escuz.
Item, une piece de serge verte ayent 2/3 de largeur, contenant vingt aulnes ou environ, appretiée l’aulne a 18 solz t. cy : 6 escuz.
Item, ung reste d’autre serge verte contenant six aulnes ou environ, appretiee chascune aulne 15 solz, cy : ung escu et demi.
Item, ung aultre ciel de serge verte, bordé de passemens, faict a l’imperialle, avec sa garniture, appretié six escuz sol. 6 escuz.
Item, une piece de serge blanche tremyere ayent deux tiers de large, contenant 20 aulnes, appretiee a raison de 10 solz l’aulne : 3 escuz 1/3.
XXXVIII escuz L solz t. [38 écus 50 sols]
[p. 50, f. 25b]
Item, ung aultre vieil ciel de tapisserye faict a feuilletin, tel quel, la garniture de serge verte et rouge, aussi telle quelle, qui sont deux rideaulx et une contenance et ung tredoux, appretié le tout a ung escu, cy : 1 escu.

– En lad. haulte chambre estant sur led. magazin
Ung ciel de tapisserye faict a poinct de Hongrye , garny de rideaulx et tresdoux et contenance ; l’ung d’iceulx rideaulx de serge et verte et les autres, aussy de serge verte, bordez de passement rouge et vert, appretié a 2 escuz 2 tiers. '





Notes :

(1). Gay signale dans l’Inventaire du roi René (1471) ' En la chambre de la royne, ung grant charlit de boys, garny des deux coustez de marchepies faiz a coffre fermans a clef ; et dans le Testament de Michel Ravaillac (1586) ' un coffre vulgairement appelé marchepied, estant a deux estages. — (2). reille (relle) : barreau, cf. Godefroy.



text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO473721.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)