Location par Benoît de La Brosse, procureur de Jean Champion, frère mineur de sa femme Jeanne Champion, à honorable homme Dominique de Cortone, menuisier et valet de chambre de la reine, demeurant à présent à Tours 
, d’une chambre basse avec un ouvroir et l'usage commun d'une cour, d'une étable pour y mettre son cheval, des retraits et d'une cave pour son vin, le tout dans une maison située rue Neuve, pour 13 l. t. par an, pendant un an, ce en présence des témoins Jean Ragueneau, procureur du roi en la cour royale de Tours , et Pierre Bergier de Tours .
[f° 60] Le VIIIe jour de juing l'an mil Vc et sept, en la court du roy nostre seigneur a Tours , personnellement establiz Benoist de La Brosse, en son nom et a cause de Marye Cha Jehanne Champion, sa femme, et ou nom et comme curateur ordonné par justice, en se qu'il dit, de Jehan Champion, myneur d'ans, frere de ladite Jehanne, demourant audit Tours , d'une part. Et honnorable homme Dominicque de Courtonne, menuisier et varlet de chambre de la royne, a present demourant audit Tours , d'autre part. Soubzmectant, etc. Lesquelz ont congneu et confessé en ladite court avoir fait et font entreulx les marchez a louaige et obligacions qui s'ensuivent. C'est assavoir que ledit De La Brosse, esdits noms, a baillé et baille par ces presentes audit Dominicque, a ce present, qui de lui a prins et prant de la feste de saint Jehan Baptiste prouchaine venant jusques a ung an entier parfait et acomply une chambre basse avecques l'ouvrouer, la communauté de la court avec l'estable et le dessus d'icelle(a), sauf que ledit bailleur a reservé bon(b) lieu a mectre ung cheval pour luy, avecques la communauté des retraictz estans ou jardrin, avec place en la cave a mectre [f° 60 v°] six traversiers de vin, le tout estant des appartenances de la maison qui fut feu Jehan Champion, beau-pere dudit bailleur, sise en la rue Neufve. Ce present marché fait pour le pris et somme de qu treize livres tournoys payables par les quarterons de l'an ou par les demyes annees, au choix dudit preneur. Et est dit que la chambre si ledit De La Brosse, bailleur, ne vient demourer en la chambre haulte sur le davant de ladite maison, qu'il la ne la baillera ne louera a autre personne que ledit Dominicque n'en soit le premier reffus. Et a ce tenir, etc. Obligeront, etc, et garentiront lesdites parties l'un a l'autre, etc, messire ledit preneur au payement de ladite somme et tous acomply(c). Foy, etc. Presens honnorable homme maistre Jehan Ragueneau, procureur du roy nostre seigneur au siege royal de Tours , et Pierre Bergier, demourant audit Tours , tesmoings, etc.
[Signé] Foussedouaire
Notes :
(a) "et le dessus d'icelle", dans l'interligne supérieur. — (b) "bon", dans l'interligne supérieur. — (c) "messire ledit preneur au payement de ladite somme et tous acomply", dans l'interligne supérieur et les deux interlignes inférieurs.
