Lettre d'Anne de Bretagne adressée aux maire et échevins de la ville de Bourges 
, appuyant celles préalablement envoyées par Louis XII signifiant leur volonté de voir Denis Morin être nommé à la conciergerie de la ville en cas de décés de l'actuel concierge Jean Bureau, alors malade.
De par la royne.
Chers et bien amez, Monseigneur vous escript a ce que après le trespas d'un nommé Jehan Bureau, concierge et clerc des mises, reparacions et affaires de vostre ville, en vueillez pourveoir a sa requeste nostre amé Denis Morin ainsi que pourrez veoir. Et pour ce que de nostre part desirons ledit Denis Morin en estre pourveu tant pour le bon raport qu'on nous a fait de luy et de sa souffisance et bonne experience en l'excercice dudit office que en faveur d'aucun speciaulx serviteurs de mondit seigneur et de nous, qui nous ont supliee vous en escripre, nous vous prions aussi bien affectueusement que, en contemplacion de nous, vueillez pourveoir dudit office icelluy Denis Morin, et actendu que ledit Jehan Bureau est fort maladif comme l'on dit, en faire et disposer des a present selon et ensuivant l'affection et désir de mondit seigneur et le nostre, declairé en sesdites lettres. Si le vueillez ainsi faire et vous nous ferez plaisir, de quoy vous saurons bon gré. Donné a Molins , le XIIe jour de septembre [1497(1)].
[Signé] ANNE.
C. Normant(2)
[Au dos] A noz chers et bien amez les maires et eschevins de la ville de Bourges
.Notes :
(1) Lettre datée à partir de celle adressée par Charles VIII à la ville de Bourges , en date du 8 septembre 1497.— (2) Inconnu. Ne figure pas dans le recueil de A. Lapeyre et R. Scheurer. La signature reste cependant ambiguë.
