De par le roy.
Chers et bien amez, pour ce que nous desirons singulierement le bien, provision et avancement en saincte Eglise de nostre amé Nycolle Paluau, prebtre, docteur en loix et regent en nostre université de Bourges ⁽¹⁾, tant pour les grans sens, science, vertuz et merites qui sont en sa personne, au moyen de quoy l'Eglise en sera mieulx de luy deservye que autrement, a ceste cause nous vous prions tant affectueusement que faire povons que pour l'amour et en faveur de nous vous vueillez pourveoir, donner et conferer audit Nycolle Paluau la premiere chanonye et prebende ou dignité qui vacquera en vostre eglise et en ce faisant nous ferez tres singulier et agreable plaisir que recongnoistrons envers vous tant en general comme en particulier quant d'aucune chose nous requerrez. Donné aux Montilz-les-Tours⁽²⁾, le dixiesme jour de fevrier.

[Signé : ] CHARLES.

Robertet.

Bourges

(1) Nicolas Paluau fait partie des premiers professeurs de l'université de Bourges créée par Louis XI en 1463 (Louis Raynal, Histoire du Berry depuis les temps les plus anciens jusqu'en 1789. Tome III, Bourges, Librairie du Vermeil, 1845-1847, pp. 98 et 362). — (2) Actuel château du Plessis-lès-Tours, com. de La Riche , dép. d'Indre-et-Loire .