[1513], 10 décembre — Blois

De par le roy.
Chers et bien amez, nous avons esté advertiz par nostre amé et feal conseiller l'arcevesque de Bourges ⁽¹⁾ du bon recueul et honnorable reception que vous luy avez faicte et comme de toutes choses tant du faict des reparations de vostre eglise que autres qui pourroyent estre entre luy et vous, vous estez convenuz et gracieusement et amyablement accordez ensemble, dont nous sommes tres joyeulx et contens, et vous en savons tres bon gré et mercyons, vous priant que tousjours veullez vous entretenyr et vivre avecques luy en toute amytié et doulceur comme bons suppostz et vous nous ferez plaisir tres agreable en ce faisant, dont nous aurons voz affaires et de vostre eglise tousjours en singuliere recommendacion et luy aussi de sa part fera le semblable envers vous. Donné a Bloys , le X^e jour de décembre.⁽²⁾

[Signé : ] LOYS.

Robertet.

(1) André Foreman, évêque de Murray en Écosse . — (2) Ces lettres se rapportent à la première venue d'André Forman à Bourges (cf. lettre de Louis XII à la ville de Bourges, du 2 novembre 1513).