Vente par Gilet Malart et son épouse Macete, et par Pasquier Moreau et son épouse Guillemete, sœurs, à Jaquet Michon, des deux cinquièmes de l'héritage de celles-ci en une maison et dépendances à Dalonville , pour huit livres tournois.



Gilet Malart, Macete sa femme, Pasquier Moreau et Guillemete sa femme, demourans a Bailleau l’Evesque , icelles femmes seurs, deuement et chacune d’elles et souffisament auctorisees de leursdits mariz quant a ce, lesquelz dessus nommez esdits noms vendent a tousiours a Jaquet Michon, demourant a Dalonville en ladite parroisse, acheteur, present etc pour luy, ses hoirs etc, les deux cinquiesmes parties et porcions par indivis, dont les cinq font le tout, d’une maison, ousche et appartenances, ainsy que le tout se poursuit et comporte, assis audit lieu de Dalonville . Ladite estrize juxte Denis Blandin d’une part et d’autre, abutant d’un bout a la rue dudit lieu, et d’autre bout aux hoirs feu Jehan le Cousturier. En la censive dudit reverend pere, a telz cens et droiz seigneuriaulx comme etc, heritaige ausdites seurs comme leursdits mariz et elles disoient. Vente faicte pour huit livres tournois, dont etc, promectant et garantissant, obligeant, renoncant etc. Presens a ce pour tesmoings Laurens Jehan, marchant hostelier, demourant a Chartres , et Michelet Guillaume, demourant audit lieu de Bailleau l’Evesque.





text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO632303.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)