Bail par échange, perpétuel, entre Laurens Jehan et son épouse Fabienne, et Jaquet Michon, du cinquième d’un hébergement à Bailleau-l'Évêque contre une mine de terre au terroir des Tranches.



Laurens Jehan, marchand hostellier, demourant a Chartres en l’ostel ou pend pour enseigne l’ymaige Saincte Katherine, et Fabienne sa femme fe, demourans a Chartres , auctorisee etc, icelle Fabienne fille de feu Jehan Varenne, en son vivant demourant a Bailleau l’Evesque , lesquelz baillent cedent par eschange etc, a tousiours, a Jaquet Michon, demourant a Dalonville en ladite parroisse de Bailleau […] la present etc, pour luy ses hoirs etc, la cinquiesme partie et porcion, dont les cinq font le tout, d’un habergement contenant maison a demourer, ousche et autres appartenances, assis audit lieu de Bailleau . Le tout juxte Denis Blandin d’une part et d’autre, abutant d’un bout a la rue dudit lieu, et d’autre bout aux hoirs feu Jehan Le Cousturier. En la censive dudit reverend pere, a telz cens et droiz seigneuriaulx comme etc, heritaige a ladite Fabienne come etc. Pour et a l’encontre d’une mine de terre assise ou terrouer des Tranches, juxte les hoirs [f° 5] dudit feu Jehan Varenne d’une part, et sommier a plusieurs terres d’autre part, abutant d’un bout au chemin tendant de Dalonville a Chartres , et d’autre bout au curé dudit Bailleau laquelle mine de terre demourra le propre heritaige de ladite Fabienne. En la censive de ses hoirs etc. En la censive des hoirs feu Michel Prevost, a telz cens et charges qu’elle peult devoir. Conquest audit Jaquet Michon, comme etc. Eschange fait but a but, sans faire aucun retour l’un a l’autre, dont etc. Promectant etc, et garantissant, obligeant, renoncant etc. Presens a ce pour tesmoings Jaquet Varenne et Thomas Berger, demourans audit Dalon lieu de Dalonville pour estre et demourer le propre heritage d'icelle Fabienne.





text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO632304.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)