Bail à ferme pour dix ans par Marion, veuve de Nicolas Symonneaulx, par Jehanne, veuve de Gregoire Boulet, par Guillemete, épouse de Bernardin Mouchet, et par Jehan le Texier, pour lui et ses enfants mineurs et comme procureur de Katherine, épouse de Richart Badoux, à Jaquet Hergault, de six sextiers de terre ou environ en trois pièces, situés aux terrouers de Ver-lès-Chartres , pour cinq setiers de blé froment annuels dus à la saint Remi.



Marion, veusve de feu Nicolas Symonneaulx, Jehanne, veusve de feu Gregoire Boulet, Guillemete, femme separee par justice quant aux biens de Bernardin Mouchet, en leurs noms, Jehan Le Texier, tant en son nom nom comme ayant la garde, gouvernement et administracion des enffans mineurs d’ans de luy et de feue Perrete sa femme, et aussy comme soy disant procureur de Katherine, a present femme de Richart Badoux, lesquelz, esdits noms, vendent [f° 11] baillent a ferme et moison de blé du jourduy jusques a la sainct Remy prouchaine venant, et d’icelle sainct Remy jusques a dix ans prouchains apres ensuivans, entiers et acompliz, a Jaquet Hergault, demourant a Ver , preneur, present etc, pour luy, ses hoirs etc, six sextiers de terre ou environ en troys pieces, ausdits seurs et mineurs appartenans, assis es terrouers de la parroisse de Ver . Bail et prinse faiz pour cinq sextiers de blé froment, bon, loyal et marchant de ferme et moison, a payer et rendre a Chartres , en la maison de ladite veusve dudit Gregoire Boulet, par chacun an au terme sainct Remy, premier payement a la sainct Remy prouchaine venant, auquel terme ledit preneur payera seulement cinq mines dudit blé, et a l’autre sainct Remy apres ensuivant, payera tous lesdits cinq sextiers de blé entierement, et ainsy etc. Promectant et garandir etc, obligeant, renoncant etc. Presens a ce pour tesmoings Thomas Hergault, demourant a Ver , et Jehan Brebier, demourant a Chartres .





text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO632416.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)