Vente par Vincent Chable, à Guillaume Poirier, de trois setiers mine de terre en une pièce, située au terroir des Graiz, pour quatorze livres tournois.
Vincent Chable, demourant a Nogent le Faye , maieur et usant de ses droiz et choses comme il disoit, vent etc a touziousmes a Guillaume Poirier, demourant audit Nogent , acheteur etc, pour luy, ses hoirs etc, troys septiers mine de terre en une piece assis au terrouer des Graiz, juxte le chemin tendant du Boys Baudry a La Villete d’une part, et Yvonnet Chable, frere dudit vendeur, d’autre part, abutant dun bout au chemin tendant de Chartres a Estampes . En la censive des doyan et chappitre de Chartres, a telz cens et champart, comme etc, heritaige etc a luy venu et escheu de la succession de feu Pierre Chable, son pere. Vente faicte pour quatorze livres tournois, dont etc, quicte etc. Promectant et garantissant, obligeant etc. Presens a ce pour tesmoings Jehan Goussart, texier en toilles, et Jehan Chable, demourans audit lieu de Nogent le Faye .
(a) Ledit acheteur audit vendeur dix livres tournois, reste etc pour ladite vendicion, dont etc, a payer c’est assavoir LX solz tournois a la Toussaints prouchaine venant, et le surplus, qui est sept livres tournois, alo de Pasques prouchaine venant en ung an, non obstant etc. Presens a ce lesdits tesmoings.
(a) Minute suivante dans le registre.