Vente par Jehan Foreau, à Jehan Troche le jeune et Francois Symon, d'une planche de terre située au terrouer de la Croix-de-Fontenay, pour quatre livres tournois.
Jehan Foreau, texier en toilles, demourant es forsbourgs de porte des Espares de Chartres 
, vent etc a touzioursmes a Jehan Troche le jeune et Francois Symon, demourans a Fontenay sur Eure , acheteurs, presens a ce, pour eulx, leurs hoirs etc, une planche de terre ou souloit avoir vigne, assise ou terrouer de La Croix de Fontenay, juxte lesdits acheteurs d’une part, et Jehan Troche l’esné d’autre part, abutant d’un bout au chemin ou sentier des ousches dudit Fontenay , et d’autre bout a Berthelot Forget a cause de sa femme. En la censive de f maistre Michel Chantault a cause de sa femme, fille et heritiere en partie de feu maistre Michel Grenet, a telz cens et droiz seigneuriaulx comme etc, conquest etc. Vente faicte pour quatre livres tournois, payez en presence. Promectant et garantissant, obligeant, renoncant etc. Presens a ce pour tesmoings Laurent Malart, de Champfoul , et Jehan Plisson, de Baillau l’Evesque .
