Vente par Guillaume Delahaye à Pierre du Mes d'un setier de terre ou environ au terroir du moulin des Hospitaliers de Sours , pour neuf livres tournois.



Guillaume Delahaye, demourant a Sours , vent etc a touzioursmes a Pierre du Mes, filz de feu Pasquier du Mes, demourant en ladite parroisse, acheteur, present etc, ung septier de terre ou environ ainsy qu’il se poursuit et comporte, a present ensemancé en avoyne, assis au terrouer du Moulin des Hospitalliers dudit Sours , juxte Jehan Galepin d’une part, et Pierre Robert d’autre part, abutant d’un bout au chemin tendant de Generville a Sours , et d’autre bout audit acheteur. En la censive de maistre Guillaume Boussineau, licencié en loiz, procureur du Roy ou baillage de Chartres , a dix deniers tournois de cens par chacun an. Conquest etc. Vente faicte pour huit livres cinq solz tournois et pour neuf livres tournois c’est assavoir pour le treffons de ladite terre pour ledit septier de terre, et quinze solz tournois pour la despoille prouchaine advenir d’icelle terre, dont etc. Promectant et garantissant, obligeant, renoncant etc. Presens a ce pour tesmoings Pierre Delahaye, pere dudit vendeur, demourant audit lieu de Sours , et Jehan Brebier, demourant a Chartres .





text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO632830.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)