Vente par Germaine, veuve de Guillemin Bossin, à son frère Jehan Boyleau, de ses droits sur tous ses héritages venus de son frère Symon Boyleau, pour quarante sous tournois.
Germaine, veusve de feu Guillemin Bossin, demourant a Nogent le Faye 
, vent etc a tousioursmes a Jehan Boyleau, son frere, demourant audit lieu, acheteur, present etc, pour luy etc, tout et tel droit etc comme ladite veusve a et luy peult compecter et appartenir en tous et chacuns les heritaiges a elle venuz et escheuz de la succession de la succession(a) de feu Symon Boyleau, frere de ladite venderesse, ou et en quelque lieu qu’ilz soient ou puissent estre assis, situez, sceuz, dictz, nommez ou trouvez, sans rens en excepter, reserver ne retenir en aucune maniere, a telles charges et reddevances comme ce peult devoir. Vente etc pour quarante solz tournois, dont etc, quictant etc. Promectant et garantissant, obligeant, renoncant etc. Presens a ce pour tesmoings Guillaume Pean, demourant en Brye en la parroisse de Marcheys pres Montmireul et Robert Pousteau, demourant a Chartres .
Notes :
(a) sic.
