Vente par René Richart à Jehan Danjouen l'aîné de cinq boisseaux de terre en une pièce au Buisson-au-Truant, pour cent sous tournois.



René Richart, demourant a present a Orleans , vent a tousioursmes a Jehan Danjouen l’aisné, demourant a Ver , acheteur, present etc, pour luy etc, cinq boisseaulx de terre en une piece, si comme elle etc, assise ou terrouer du Buisson au Truant, juxte ledit acheteur d’une part, et les hoirs feu Girart Daudet d’autre part, abutant d’un bout au chemin tendant de la carriere de Ver a Morancees , et d’autre bout aux religieulx abbé et couvent de Sainct Pere en Valee de Chartres . En la censive du chasteau de Ver , a telz cens etc. Conquest etc. Vente faicte pour cent solz tournois, dont etc, quicte etc. Et joyra Denis de Lagranche desdits cinq boisseaulx de terre durant le bail qui luy en a esté fait par icelluy vendeur, en payant par luy audit acheteur une mine de blé bon et convenable de moison doresnavant par chacun an durant icelluy bail. Promectant et garantissant, obligeant, renoncant, etc. Presens a ce pour tesmoings Jehan Brebier et Robert Pousteau, demourans a Chartres





text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO632855.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)