Bail par échange entre Denis Trouve et Symon Trouve, son frère, d'un quartier de terre planté de vigne au clos des Freiches Challies, contre la huitième part et portion sur un hébergement contenant maison, cour, jardin et ouche à Champhol .
Denis Trouve, vigneron, demourant a Champfoul , baille, cede etc par eschange, des maintenant a tousioursmes, a Symon Trouve, son frere, aussy vigneron, demourant aux Filles Dieu pres Chartres , present et acceptant, pour luy ses hoirs etc, ung quartier de terre especte en plante de vigne assis au cloux des Freiches Challies, juxte Estienne Trouve d’une part, et ledit Denis Trouve d’autre part, abutant d’un bout a Jehan Chevalier, et d’autre bout au chemin tendant de Chartres a La Fortmaison. En la censive des religieulx abbé et couvent de Sainct Pere en Vallee de Chartres , a quatre deniers tournois de cens par chacun an. Conquest etc. Pour et a l’encontre de huitiesme part et porcion par indivis comme audit Symon Trouve peult compecter et appartenir de la succession de feuz Geuffroy Trouve et Perrine, sa femme, ses pere et mere, en ung habergement contenant maison a demourer, court, jardin et ousche, en ung tenant, assis audit lieu de Champfoul , le tout juxte les hoirs feu Mathery Begon d’une part, et Estienne Trouve d’autre part, abutant d’un bout a la rue dudit lieu, et d’autre bout a maistre Michel Michon. A telz cens et droiz seigneuriaulx, comme etc, et envers qui ce peult estre deu. Cestz bail etc fa par eschange faiz l’un contre l’autre, but a but, sans retour aucun etc, comme etc, dont etc. Promectant (a) et garantissant. Obligeant, renoncant etc. Presens a ce pour tesmoings Bernart Bercher et Gilet Malart, demourans a Baillau l’Evesque (b) acquicter des arreraiges desdits cens de tout le temps passé jusque a huy.
(a) Appel de note. — (b) Note.