Bail par Estiene Papin à Estiene du Marche d'un demi-arpent de terre en la paroisse Saint-Valérien de Châteaudun , pour six sous huit deniers tournois de rente, ferme ou pension, dus à la saint Remi.
Estiene Papin, marchant, demourant a Chasteaudun , confessa avoir baillé a rente, ferme ou pension, a Estiene du Marche, cordonnanier, demourant es forsbours de Chasteaudun , parroisse de Saint Medart Lubin, qui a prins de lui demi arpent de terre ou environ, partie en vigne, assis en gloriete, parroisse de Saint Vallerian, tenant d’un cousté au chemin que l’on va de Chasteaudun a La Ferté , d’autre cousté aux hoirs feu Gilet Lasne, d’un bout a Martin Asse, et d’autre a Guillot Lornet. A tenir etc les vies durant dudit preneur, de Gilon sa femme, de chacun d’eulx, et cinquante neuf ans apres le derrenier de vie d’eulx tous, pour la some de six sols huit deniers tournois de rente, ferme ou pension, paiable chacun an au terme de saint Remi, le premier paiement commencant a la saint Remi prochaine venant. Et sera tenu ledit preneur de sousten mectre ledit demi arpent de terre en vigne bonne et convenable, et de la soustenir, tenir etc, et en la fin la y rendre et lesser. Promectant de chacune partie etc, garantissant etc, paiee etc, obligant, renoncant.