Lettre close de Charles VIII aux maire et échevins de Tours pour les remercier de leur service et soutien.
De par le Roy
Tres chers et bien amez, nous avons receu les lettres que par ce porteur nous avez escriptes et veu le herault du duc qui vient de Rome , lequel nous avez envoie, dont vous savons tres bon gré; car, par cela et autrement, nous congnoissons de bien en mieulx le vouloir et affection que vous avez a nous faire service et vous prions que vueillez continuer, en vous donnant tousiours bien garde de nostre ville de Tours , ainsi que avez fait par cy-devant et comme en vous nous avons nostre fience. Donné a Ancenys , le VIIe jour d’aoust.
[Signé] Charles
[Signé] Parent
Presentees en l’ostel de la ville par Sendrin Cretore, le Xe jour d’aoust l’an mil IIIIc IIIIxx et sept.
[Suscription] A noz tres chers et bien amez les maire et eschevins de nostre bonne ville de Tours .