Lettre de Catherine de Médicis aux maire et échevins de Tours 
leur assurant que leur requête au sujet des dépenses engagées par la ville pour le stationnement des soldats sera étudiée par le roi et son conseil.
Messieurs, vous entendrez tant par la lettre que le roy, monsieur mon filz, vous escrit que par le sieur de la Chastre, son lieutenant general, la reponse qu’il faict aux lettres et memoires que vous luy avez envoiez principallement sur les fraiz par vous faictz, tant pour la nourriture des soldatz que pour la construction de leur logis et pont leviz, dont il mande au general de la charge en envoier ung estat, apres les avoir verifiez, pour y pourveoir, comme il sera advisé par son conseil, et, pour ce que vous entendrez plus amplement la volonté du roy, mondit sieur et filz, par ledit sieur de la Chastre, je feray fin a la presente, priant dieu, Messieurs, vous tenir en sa sa saincte garde. Escrit au chasteau de Boullogne, le XIIIe jour de aoust 1568.
[Signé] Caterine
[Signé] Fizes
[Suscription] A Messieurs les maire et eschevins de la ville de Tours .
