Lettre de Henri IV adressée aux maire et échevins de Tours 
énumérants les documents mis en copie de cette présente lettre, à savoir l’extrait d’une lettre venue de Languedoc et un discours du roi, afin que la population soit informée des événements.
Nos amez et feaulx, affin de vous faire part de tout ce qui se passe, tant pres de nous qu’aux autres endroictz de nostre royaume, nous vous envoyons l’extraict d’une lettre qui nous a esté escripte de Languedoc , par laquelle vous verrez au vrai ce qui s’y est faict a l’advantage de noz affaires, ensemble ung petit discours de ce que nous avons faict de deça, que nous ne tenons pas pour estre de si peu d'importance qu’il ne meritte d’estre sceu. Vous en ferez part a tous noz bons serviteurs, apres en avoir prins la resjouissance qui en est deue a vostre bonne vollonté et a l’affection que vous portez au bien de notre service; pryant sur ce nostre seigneur qu’il vous ait, noz amez et feaulx, en sa sainte et digne garde. Escrit au camp d’Estampes , le XXIe jour de novembre 1592.
[Signé] Henry
[Signé] Ruzé
[Suscription] A noz amez et feaux les maire et eschevins de nostre ville de Tours .
