1499, 12 janvier — Tours

Le XII^e jour de janvier l’an mil IIII^c IIII^xx XVIII, en la court du Roy notre sire a Tours , personne estably Mathurin Billonneau, paroissien de Notre Dame d’Oé , soubzmettant etc lequel a cougneu et confessé en ladite court avoir vendu et transporté et par la teneur de ces presentes lettres vend et transporte des a present a tousjourmais a heritage a Jehan Jaloignes demourant audit Tours ace present et achetant pour lui, ses hoirs etc la moitié par indivis d’une piece de pré contenant demy arpent de terre ou environ comme elle se poursuit sans riens y acroistre ne diminuer seant ou fief de la Remotiere joignant toute ladite l’autre moitié de partant ladite piece de pré avecques le seigneur de la Sachetiere. Joignant toute ladite piece d’un long a la piece de Pierre Tranchant, d’autre long a la terre de [nom manquant] d’un bout au pré de Macé Collinet, ung chemin entre deulx et d’autre bout aux prez de au pré des Painparez, a autre etc par nom et tiltre de ceste presente vendicion laquelle a esté et est faicte pour le pris et somme de douze livres dix solz tournoys dont en a esté paié en cours en notre presence cinquante solz tournois desquelx L sous ensemble du surplu de ladite somme total et vendicion dessusdite icelui vendeur s’est tenu et tient par devant nous a content et pour bien paié, quicte etc. et ladite moitié par indivis de la piece de pré cy dessus confrontee ainsi vendue a ledit vendeur promis et promet garantir, sauver et delivrer de tous empeschemens quelzconques a tousjourmais non obstant etc. En paiant doresenevant chacun an par ledit acheteur et ses aians cause la moitié de deux deniers de cens au sieur dudit fief au terme acoustumé pour toutes charges et devoirs. Et quant etc ledit estably a obligé et oblige soy ses hoirs etc renonçant etc foy etc. Presents Thourre dit de Tours, cousturier et Bertran de Samen, clerc tesmoings etc.
[Signé] Babilon.