Procuration donnée par Florentin de Courseulle, en tant que procureur de Jehanne de Courseulle, sa sœur, à Francoys Maupin.
Noble homme Florentin de Courseulle, sieur du Rovray, procureur suffisament fondé quant a ce qui ensuyt, faire passer et accorder de noble damoiselle Jehanne de Courseulle, sa seur, veusve de feu Thomas de Crecy, en son vivant escuier, et ayant d’elle le puissance et auctorité et autres choses de substituer et soubz establir ung ou plusieurs procureurs substitutz, qui ont ou aient le povoir de pleidoirie cy apres declaré ou partie d’icelluy, les revocquer se mestier est, si comme etc, par lectres de procuracion faictes et dennees passees soubz le scel de la chastellenie de Dreux 
le vingtneufiesme jour de decembre l’an mil quatre cens quatrevingts unze, signees G Le Trochet, desquelles lectres de procuracion en tant que touche le fait et ordre de pleidoyrie la teneur ensuyt, A tous ceux etc, lequel Florentin de Courseulle, audit nom et par vertu du povoir a luy donné par lesdites lectres de procuracion cy dessus transcriptes, fist, nomma etc, substitua et soubz establit ses etc maistre Francoys Maupin, espace etc, porteurs etc, ses substituz procureurs generaulx etc. Promectant a avoir agreable etc. Presens a ce pour tesmoings Jehan Brebier et Guillaume Troillart, demourans a Chartres .
