Demande de Macé Lopin, valet de chambre de Marguerite de France, que les notaires Pierre Digoys et Mathurin Perdriau, notaires royaux, inventorient les écriptures présentes sur des tableaux et tombes situés en la chapelle Burdelot de l'église Saint-Saturnin de Tours .



Le dixseptiesme jour de septembre l'an mil cinq cens soixante et six en par davant et en presence de nous notaires royaux a Tours soubz signez s'est comparu et presenté noble homme Macé Lopin, varlet de chambre de madame Marguerite seur du roy demeurant en cestedite ville lequel nous a requis que eussions a luy faire extraictz de ce comme estoit et est prescript en certains tableaulx et tombes estans en l'eglise maison Saint-Martin de Tours Sainct-Satournyn dudit Tours ce que avons fait a la comme s’ensuyt, et a ceste fin, nous sommes transportez en presence dudit Lopin en ladit eglise Saint-Saturnyn en la chappelle Saint-Nicollas fondee et de suyvant en icelle eglise autrement appellé la chappelle des Bordelotz et avons trouvé contre le toilx dousser de ladit de l'autel de ladite chappelle ung tableau et par[oi ?] d'autel de v cuyvre au où est l'histoyre du crucifiement de nostre sire au bas du quel cuyvre est escript ce que sensuit / Cy davant gist noble homme et saige maitre Pierre Bordelot en son vyvant notaire et secretaire du roy nostre sire et sieur du Plessis Marcay quy trespassa le XXV vingt et huictieme jour de janvyer l'an mil quatre cens [blanc souligné] et treize Item cy davant qu'il gist Marie Gaillard, sa femme, laquelle trespassa le [blanc souligné] jour de [blanc souligné] l'an mil quatre cens [blanc souligné] aux deux costez de la duquel tableau de cuyvre sont deux escussons en forme d'armoisyes en l'ung desquelz quy est au costé dextre sont gravees troys estailles, scavoir est deux dessus et une dessoubz en champ d'azur une barré en[tre] deux et l'aultre estant quy est a le la senextre quy est suy my party sont à l'ung des costez sont troys trouffles et deux demys et ung perrocquet ou papeque au mytan et de l'aultre costé par le hault est une estoille et par le bas demye estoille une barre en[tre] deux. Plus en ung tableau de pierre estant enver dehs la contre la muraille de ladite eglise Saint-Saturnyn pres ladite chappelle avons est escript [1v°] ce que sensuyt, cy davant gist noble homme Jehan Bordellot en son vyvant sieur du Plessis Marray premier varlet de la chambre du roy Loys XIe de ce nom estant daulphin lequel Bordelot trespassa le cinquiesme jour de novembre l'an mil quatre cens soixante et deux. Item Marguerite Lepicard, sa femme, quy trespassa le dixiesme jour de juing l'an mil IIIIc LXXIII. Item maitre Jehan Bordelots leur filz en son vyvant co conseiller du roy nostre sire en sa court de parlement a Paris quy trespassa le quinzieme jour de juillet l'an mil quatre cens quatre vingts ung priez Dieu pour les ames desdits deffunts. Plus a l'entour de une vielle tombe de pierre quy est a costé de ladite chappelle sur la place de ladite eglise est escript / Bordelots en son vyvant varlet de chambre de la royne Marie quy trespassa le [blanc souligné] jour de novembre l'an mil [blanc souligné] soixante et deux / et Marguerite Lepicart sa / et est le reste les borts de ladite tombe tout usé et effacé Tr de sorte que l'on ne scauroyt lyre qu'il ne s’y aparoist aulcune escripture / mays quant aux endroictz des blancs cy-dessus rayez y a apparence d'escripture ausdits tableaulx l’escripture mays laquelle touttesfoys l'on ne scauroit lyre pour ce qu'elle est presque toutte effacee dont et de tout ce que dessus ledit Lopin nous a requis ce present acte que luy avons octroyé pour luy servyr et valloir en temps et lieu ce que de raison faict audit Tours par nous notaire r[oyaux] susdits soubzmys les jour et an que dessus.
[Signé] Perdriau - Digoys





text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO638638.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)