1579, 4 novembre 1591, 25 juillet — Tours

[Transcription partielle] Le 04.11.1579 : ... honorables hommes Denis Palluau marchant demeurant en ceste ville de Tours , parroisse Sainct-Saturnyn et Jacques Boucher, aussi marchant demeurant audit Tours , parroisse Sainct-Pierre-du-Boille soubzmectans etc. Lesquelz ... ont congneu et confessé avoir vendu, ceddé, quicté, délaissé et transporté ... perpetuellement par heritaige a noble homme Jehan LeRoyer secre conseiller et secretaire des roy et royne, sieur de Pauchian, conseiller et secretaire des roy et royne de Navere et damoiselle Marguerite Brodeau, sa femme, icelluy LeRoyer absent ladite damoiselle Brodeau a ce presente stipellant et acceptant tant pour ledit LeRoyer son mary que pour elle leurs hoirs et aians causes et comme procuratrice de sondit mary comme elle a dict, c'est assavoir une maison composee de troys corps de logys, caves, chambres basses et haultes, greniers et comble dessus, courts, puys, aisances et appartenances de ladite maison et ainsi qu'elle se poursuict et comporte et que en jouist dehs d'huy a tiltre de louage Pierre Bassier, marchant tincturier en draps de soyes et aultres en p... de laquelle icelluy Bassier faict ses tinctures et manifactures de sondit estat et sans aulcune choses en excepter resquis et tenir par lesdits vendeurs joignant icelle maison et appartenans d'ung long a Estienne Aubiet, d'aultre long a maitre Pierre Chevallier d'ung bout, par le derriere a noble homme Mathurin Davenel, sieur de Bon Repos et d'aultre bout par le davant au pavé de ladite rue de Maufumyer, icelle maison estant où fief de Sainct-Jullian dudit Tours et chargee envers messieur les maire et eschevins de cestedite ville de Tours de huict escuz de rente fournie par chacun an aux jours et festes de sainct Jehan-Baptise et nul? par moictyé moyennant [1v°] laquelle rente lesdits sieurs maire et eschevins sont tenuz d'acquicter le cencef? deu .. d'icelle maison ausdits sieur de Sainct-Julliean pour toutes charges en payer plus vendent lesdits vendeurs ... ausdits achapteurs stipullans comme dessus le lieu et clozerye appellé Le Cloz normant situé en la parroisse de Sainct-Cyre composé de maisons, grange, pressouer, tetz a bestes, jardrins, terre labourable, vignes et prez le tout contenant quatre arpens et demy ou environ ... et que ledit Palluau en jouist du jourd'huy ... estant icelluy lieu où fief de chappe.. ... monsieur Sainct-Martin dudit Tours fors portion dudit prez qui sont où fief de chappe... Sainct-Venant dudit Tours et chargé le total dudit lieu, clozerye et appartenans de debvoir seigneuriaulx et feodaulx autans deuz et accoustumez estre payez ausdits sieurs de fiefs que lesdits vendeurs ont affermé ... une maison ... situee en cestedites ville, parroisse dudit Sainct-Saturnyn ausii composee de troys corps de logeys, courts, caves, chambres basse et haultes greniers et comble dessus le tout en ung tenant joignant d'ung long au sieur de Vallier d'aultre long et d'ung bout audits maison et jardrin de l'abbé de la clerté? et d'aultre bout a aultre maison appartenante audit Palluau et sa femme ladite maison estant audit fief de Sainct-Jullian ... moiennant touttes [2r°] lesdites chose de l'acquest dudit Palluau comme il dict fors quelque portion de ladite clozerye de Cloz Normant qui est du propre de Marguerite Broullault, sa femme, a laquelle pour cest effect icelluy Palluau sera tenu faire ratiffier le contenu .... et lesquelles chose cy dessus vendues lesdits vendeurs et chacun d'eulx sollidairement comme dessus ont certiffié estre de revenu annuel de la somme de soixante six escuz deux tiers et plus et ont promis et promettent les faire valloir par chacun an ladite somme toutes charges desduictes .... par nom et tiltre de la presente vendaison qui a esté et est faicte pour le pris et somme de huict cens escuz laquelle somme ladite damoiselle Marguerite Brodeau esdits noms a payee et nombree manuellement contant ès presences dudit notaire et tesmoigns .... o grace retenue par lesdits vendeurs et a eulx donnee et octroyee par ladite damoiselle Marguerite Brodeau esdits noms telle que toutesfoys et quantes que dehs d'huy en quatre ans prochains venans lesdits vendeur ou [^2v°] l'ung d'eulx payeront et rambourseront ausdits achapteurs ladite somme de huict cens escuz avecques les payements coustz fraiz et mises .... a ung seul et entier payement en cestedite ville de Tours en la maison desdits achapteurs en ce cas demourra la presente vendaison nulle et resollue et comme non faicte et advenue.... faict audit Tours ès presence de Gabriel Bedassier, serviteur desdits LeRoyer et sa femme et Pierre Janary, clerc demourrans audit Tours tesmoings.
[Signé] Marguerite Brodeau - Palluau - Boucher - P. Janary - Digoys - Gabriel Bedacier.
[04.11.1574] ... damoiselle Marguerite Brodeau [3r°] esdits noms que dessus et encores comme soy faisant forte dudit LeRoyer son mary .... a baillé .... a tiltre de ferme ausdits Palluau et Boucher vendeurs tous nommez au contract cy dessus a ce present prenant stipellant et acceptant audit tiltre lesdites maisons logeys et appartenances ensemble ledit lieu et clozerye du Cloz Normant venduz par lesdit Paluau et Boucher par ledit contract cy dessus ausdits LeRoyer et sa femme.... pour en jouir audit tiltre par lesdits preneurs pendant let durant le temps de quatre ans .... pour en faire et payer de ferme par chacune d'icelles annees par iceulx preneurs .... a ladite damoiselle Marguerite Brodeau esdits noms la somme de soixante et six escuz deux tiers par les demyes annees asscavoir aus quatriesmes jours des moys de may et novembre par moictyé et esgalle portion .... rendue par chacun d'iceulx en cestedite ville en la maison desdits LeRoyer et sa femme et oultre a la charge de payer par lesdits preneurs les cens rentes charges et debvoirs deuz .... [3v°] .... faict audit Tours ès presences de Gabriel Bedassier serviteur desdits sieur LeRoyer et sa femme et Pierre Janary, clerc demeurant audit Tours tesmoings.
[Signé] Marguerite Brodeau - J. Palluau - Boucher - P. Janary - Gabriel Bedacier - Digoys. [25.07.1591] ... ledit sieur Boucher ... que ledit Palluau vendeurs sus nommez se sont transportez pardevant maitre [blanc] Digois, filz dudit defunt Moyse Digois... de Tours ... la garde des nottes de sondit defunt pere lequel il a requis deporter? reperter? le contract cy dessus [4r°] ........... honoruable homme ledit Jacques Boucher marchant et bourgeois de ceste ville de Tours demeurant audit Tours , paroisse Saint-Saturnyn lequel tant pour luy que pour honorable homme ledit Denys Palluau aussi marchant et bourgeois de cestedit ville son beaupere a payé et remboursé par garetaire a noble homme Jehan LeRoyer, sieur de Penchien, demeurant audit Tours , paroisse Sainct-Venant dudit Tours ou... contant qu'il de luy a prins et receu la somme de huict cens escuz sol.s .... par le contrat d'icelle vente deue faict et passé pardavant deffunt Moyse Digoys, vivant aussi notaire en ceste court le quatriesme jour de novembre mil V^c soixante dixneuf .... [4v°] .... faict et passé audit Tours apres midy ...... Anthoine Barré, sieur de Courstau, marchant et bourgeois de cestedite ville de Tours et maitre Ollivier Robert, demeurant audit Tours ... le XXIII jour de novembre mil V^c IIII^xx neuf signé .. LeRoyer ....
[Signé] Patrix