Vente par Jean Le Royer, conseiller et secrétaire des roi et reine de Navarre 
(Saint-Venant, Tours ), à Pierre Ledoys, trésorier des gardes du roi (Saint-Hilaire, Tours ), de la seigneurie de Pauchian (Luynes ).
[Transcription partielle] Le 03.11.1581 : ... noble homme Jehan LeRoyer, sieur de Panchian, conseiller et secretaire des roy et royne de Naverre demeurant en ceste ville de Tours , paroisse Saint-Venant .. a vendu .. perpetuellement par heritaiges a noble homme Pierre Ledoys, sieur du Couldray lez Chartres, tresorier des gardes du roy demeurant en cestedite ville, paroisse Saint-Hillaire, a ce present et achaptant agré pour luy et damoiselle [blanc] Charles sa femme leurs ses hoirs etc. C'est assavoir trente troys escuz sol.s ung tiers de rente annuelle et perpetuelle sur sondit lieu terre et seigneurye de Pauchian .. situé en la paroisse de Sainct-Venant de Maillé .. ainsi qu'il a cydavant acquis des sieurs les Bohiers et leurs beauxfreres et sur les acquisitions et adjointions par luy faites depuys ledit acquest et le tout ainsi que ledit sieur vendeuren jouist a present .. laquelle rente de XXXIII é. i ts. ledit sieur vendeur a promis et sera tenu payer .. par chacun an audit acquereur .. par les demyes annees asscavoir aux jours et festes de saint Jehan-Baptiste et Noël par moictyé premier terme de payement commenczant audit jour et veste de saint Jehan-Baptiste prochain venant .. La presente vendaison et constitution faite pour le pris et somme de quatre cens escuz sol. laquelle somme ledit acquereur a payee .. audit vendeur .. et pourra icelluy vendeur .. toutesfoys et quantes que bon leur semblera estaindre et admortir ladite rente en payant et ramboursant audit acquereur .. ladite somme de quatre cens escuz sol.s avecques .. les arreraiges .. en la maison dudit acquereur audit Tours .. faict audit Tours en la maison dudit acquereur a l'heure de neuf heures du matin ès presences de honorable personne Pierre Granyer, marchant maitre appoti[caire?] demeurant audit Tours , paroisse Saint-Pierre-Puellyer, Denis Tourneulx, serviteur dudit vendeur et Jehan Aumont, clerc demeurans audit Tours tesmoins.
[Signé] LeRoyer - P. Granier - D. Tourneulx - Digoys - Aumont pour present}
[13.01.1583] .. ledit LeRoyer, sieur de Panchien, cy dessus nommé a presentement payé et remboursé comptant .. audict Ledoys, sieur du Couldray, aussi y nommé a ce present la somme de quatre cens escuz .. a ledit LeRoyer aussy paié audict Ledoys les arreraiges qui estoient deubz de ladite rentes jusques a huy dont et de laquelle somme de quatre cens escuz ensemble des arreraiges .. ledit Ledoys s'est tenu pour contant .. (contrat ci-dessus nul) .. faict audit Tours en la maison dudict LeRoyer a la matinee de ce jour ès presences de Elizet Gaultier, tailleur d'habitz demeurant en la parroisse Sainct-Saturnyn dudict Tours et Guillaume Normandeau, clerc dudict Tours tesmoins.
[Signé] Ledoys - E. Gaultier present - G. Normandeau present - Digoys.
