1586, 5 septembre — Tours

[Transcription partielle] Le 05.09.1586 : ... honorable homme maitre Guillaume Normandeau, procureur au siege presidial de Tours , demeurant en la paroisse Sainct-Vencent dudit Tours , filz de deffunct honorable homme Guillaume Normandeau, vivant sergent royal au bailliage de Touraine, et Marye Cocqueau et honneste fille Marye Gouerche, fille de deffunct honorable homme maitre [blanc] Gouerche, vivant procureur au Chastellet de Paris et de Geneviefve de Moray, ladicte Marye demeurant a present en ceste ville de Tours en la maison de Jehan Le Blanc, escuyer, sieur de La Valliere, conseiller du roy, procedant? et tresorier general de France estably audit Tours et maitre d'hostel ordinaire de la royne mere de sa Majesté d'aultre part lesquelz ont faict .. les traicté et accords de mariaige .. c'est assavoir que ledit Normandeau de voulloir.. et consentement et pladeur? et conseil de honorables personnes maitre Sebastian Cocqueau, procureur audit siege presidial son oncle maternel de Symon Normandeau, sergent royal, son frere et maitre Henry Bonneau, Hugues Chastes Denret? advocatz audit siege, Guy Allard, huissier sergent a cheval? au chastellet de Paris , et leurs femmes fors la femme dudit Denret tous cousins et cousaines dudit Normandeau ad ce presens pour ce assemblez a promys et promect prandre par loy de mariaige ladite Marye Gouerche a femme et espouze comme aussy icelle Marye de l'auctorité voulloyr et consentement dudit sieur de La Valliere et de Laurans Le Blanc, aussy escuyer, sieur de La Roche, conseiller du roy audit siege presidial et maitre des requestes [1v°] oudit Tours de ladite dame royne ses cousins ad ce presens aussy pour ce assemblez tant en leurs noms que eulx faisans et portant forts de maitre [blanc] Lescourt, procureur audit Chastellet, curateur de ladite Marye auquel ilz ont promys faire ratiffyer et avoir pour agreable le contenu en ses presentes dedans six sepmaines prochain venant et encores icelle Marye du voulloyr et consentement de damoiselle Marguerite Bourguygnon, veufve de feu noble homme Jacques Adam, vivant sieur de La Gasserye et maitre d'hostel ordinaire de la royne Elizabet douairiere de France , noble homme Jehan Le Royer, sieur de Panchain, conseiller et secretaire des finances du roy de Navarre et damoiselle Marguerite Brodeau, sa femme dame Charlotte Adam, femme et espouze dudit sieur de La Valliere et l'une des dames d'honneur de ladite royne et damoiselle Marye Adam, femme dudit sieur de La Roche aussy a ce present et pour ce assemblez a promis et promect prandre aussy par loy de mariaige dudit Normandeau a mary et espoux .. festiner et solempniser les espouzailles en face de Saincte Eglise touttesfoys et quantes que l'un par l'aultre en sera requis et que a ce nostre dicte mere saincte Eglise se accordera ... Et a ledit sieur de La Valliere certiffié .. le bien propre que ladite Marye a de present tant de succession que de don estre de valleur de la somme de mil escuz en ce compromis le don de mil livres à elle faict par le deffunt sieur de La Valliere pere desdits sieurs de La Valliere et de La Roche promys et promectent le faire valloir ladite somme de mil escuz franchement et quictant? oultre ce a promys en faveur dudit mariaige donner a ladite Marye future et espouze [2r°] en consideration de l'amityé que luy porte la somme de cent escuz comme aussy ledit sieur de La Roche en la mesme faveur et consideration a promys de donner a icelle Marye la somme de cinquante escuz .... Et oultre a promys ledit sieur de La Roche fournir et bailler en den.s? comptans ausdits futeurs espoux dedans leurdite benediction nuptialle la somme de deux cens escuz et ce sur ladite somme de mil livres donnee et leguee par ledit deffunct sieur de La Valliere son pere comme dict est pour raison de laquelle icelluy sieur de La Roche prandra par chacun an la somme de seize escuz deux tiers sur la somme de quatre vingts troys livres six sols huict deniers tournois de rente que doibt le recepveur des deniers comungs de ceste ville de Tours a cause de ladite somme de mil livres pour laquelle ladite rente avoyt a esté constituee et assignee pour jouir par ledit sieur de La Roche d'icelle rente de seize escuz deux tiers par les termes qu'elle est payable ... jusques et pendant le temps de deux ans prochain venant .. dedans lequel temps de deux ans ledit Normandeau [2v°] futeur expoux sera tenu de rembourser ladite somme audit sieur de La Roche a demourer? le propre de ladite Marye future espouse ... sera icelluy Normandeau tenu de bailler ausdits sieurs de La Valliere et de La Roche la somme de trente troys escuz vingt solz sur la part et portion des biens dudit Normandeau suyvant le testament dudit deffunct sieur de La Valliere et le surplus desdits deux cens escuz montant [3r°] huict vingts six escuz deux tiers demoureront purement et simplement audit Normandeau ... Et oultre a ledit sieur de La Valliere en la consideration que dessus promys de fournir les fraiz de la feste des nopces d'iceulx futeur espoux habiller et vestir ladite Gouerche d'habillemens nuptiaulx telz que a fille de sa quallité apartient le tout a ses despens .... faict audit Tours en la maison dudit sieur de La Valliere apres midy ès presences de noble homme Paoul Binet, sieur [3v°] de La Borde demeurant en ceste ville de Tours , paroisse Nostre-Dame-de-l'Escrignol et honorable homme maitre Jehan Gasnyer, procureur audit siege presidial demeurant en la paroisse Saint-Pierre-Puellyer dudit Tours tesmoins. Et a ladite Gouersche declaré ne scavoir signer.
[Signé] G. Normandeau - M. Bourguygnon - Le Blanc - Le Royer - M. Bonneau - Marguerite Brodeau - Charlote Adam - Marie Adam - Joqueau - Denail - Mare - Gasnyer - Catherine Bruneau - Marie Salaert - Jehanne Digoys - Binet - Digoys.
[02.10.1586] .. lesdits sieurs de La Valliere et de La Roche [4r°] .. ont payé .. audit Normandeau et a ladite Marie Gouerche sa femme .. la somme de troys cens cinquante escuz soleils asscavoir ledit sieur de La Valliere la somme de cent escus soleils et le sieur de La Roche la somme de cinquante escuz soleils par eulx respectivement donnees a ladite Marie Gouerche en faveur du mariaige dudit Normandeau et d'elle et qu'ilz avoyent promis de fournyr et bailler par icelluy contract ausdits Normandeau et ladite Gouerche et encores ledit sieur de La Roche la somme de deux cens escuz soleil sur la somme de troys cens trente troys escuz vingt solz tournois cy davant donnee par le deffunct sieur de La Valliere a ladite Gouerche ... faict audit Tours en la maison dudit sieur de La Valliere apres midy ès presences de honoralbes personnes Estienne du Lyon, marchant drappier et maitre chassetyer et Jehan du Puy, maitre tailleur d'habillemens demeurans audit Tours , paroisse Saint-Saturnyn tesmoins et a ladite Gouerche declaré ne scavoir signer et pareillement ledit du Puy.
[Signé] G. Normandeau - E. De Lion