Adam de Longuemort, sieur de La Goguerye, valet de chambre des roi et reine de Navarre 
(Saint-Saturnin) bail un corps de logis (cave, chambre basse, chambre haute, grenier) situé rue Traversaine à Francoys du Bois, tapissier (Saint-Vincent). Le logis joigne un autre logis d'Adam et une maison du feu René Moreau qu'habite René Chesneau, marchans cabaretier. Le contrat est pour 5 ans, 13 écus sols et un tiers par an. Fait en la maison d'Adam avant une heure après midi. Témoins: René Bucher, jardinier (Saint-Symphorien-des-Ponts), Loys Berlant.
Le vingt neufviesme jour de may l'an mil cinq cens quatre vingtz deux en la court du roy nostre sire et de monseigneur a Tours , par devant Charles Bertrand, notaire royal en icelle, furent present en leurs personnes et deuement soubzmis noble homme Adam de Longuemort, sieur de La Goguerye, varlet de chambre des roy et royne de Navarre demeurant audit Tours , paroisse de Saint-Saturnyn, d'une part et Francoys du Boys, tapissier demeurant audit Tours , paroisse de Saint-Vincent, d'autre part. Lesquelz ont faict ledit marché de bail et prinse a tiltre de louage et prix d'argent promesses et obligations qui s'ensuyvent, c'est assavoyr que ledit sieur de La Goguerye a baillé et delaissé audit tiltre audit du Boys a ce acceptant ung corps de logys audit bailleur apartennant situé audit Tours , rue Traversaine estant joignant entre ung aultre logis audit sieur bailleur aussi apartenant et les maisons des hoirs feu René Moreau où quel logis presentement baillé demeurent René Chesneau, marchant cabaretier, consistant ledit logis en une cave, chambre basse, chambre haulte et grenier etc. ainsi comme ledit Chesneau en a jouy audit tiltre soubz ledit bailleur duquel logis ledit preneur a dict avoyr veu auparavant que prendre au present marché et s'en est contenté. Ledit present bail fet et accordé pour le temps de cinq annees prochaines entieres et suivant l'une l'autre qui commenceront au jour de saint Jehan-Baptiste prochain venant et qui finiront a pareil jour icelles finyes revollues [1v°] et acomplyes et a la charge des frais et payer pour chacun desdites cinq annees par ledit preneur audit sieur bailleur ce acceptant la somme de treze escuz sol et ung tiers payable par chacun des quatre quartiers ordinaires desdites annees par quart en esgalles parties ainsi qu'ilz escheront [barré] ains tous interestz fraiz et cousts payés, en deffault de payement et d'entretenyr par ledit preneur lesdites choses loués de memes rep[] durant ledit temps sans division et ou lesdites partyes ne vouldrayent entretenyr ledit present bail soyt que ledit sieur bailleur voulusse y faire bastir ou aultrement en ce cas en advertissant six moys a ce precedant ledit present marché demeurera nul et tenir ledit preneur desloger apres lesdits six moys expres expirez dudit advertissegment respectivement fet. et quant a tous etc. obligent lesdites partyes et chacune endroict sy avec tous etc. renoncant etc. permettant etc. foy etc. jugement etc. faict et passé audit Tours en la maison dudit sieur bailleur avant une heure apres midy dudit jour et presence de Jehan René Bacher, jardinyer demeurant en la paroisse de Saint-Symphorien-des-Pontz dudit Tours et Loys Berlant demeurant audit Tours tesmoins et ont declaré lesdits tesmoins ne scavoyr signer sur ce par nous enquis.
[Signé] De Longuemort, Francois du Bois, [dessein], Bertrand.
