Leg testamentaire donné par Laurens Leblanc, sieur de La Vallière à Adrian de Launay, sieur de Saint-Germain-le-Vieux 
, notaire et secrétaire du roi, en quallité d'exécuteur du testament de la défunte Marie de Pouchet et au noms des enfants mineurs qu'il a eu avec feu Denise de Pouchet.
[Transcription partielle :] en la presence de moy, Berthelemy Terreau, notaire royal audit Tours , soubzsigné et des tesmoings cy apres nommez, noble homme maitre Adrian de Launay, sieur de St Germain Le Vieil , notaire et secretaire du roy notredit sieur, au nom et comme ayant le bail et garde noble des enffens myneurs dans de luy et de feue damoiselle Denise de Pouchet, jadis sa femme et soy faisant et portans fort des enffens de feu, noble homme maitre Jehan Brosset, en son vivant sieur de La Mothe et de ladite damoiselle et encores en quallité d'executeur du testament de deffuncte dame Marie de Pouchet, veufve feu noble homme Emery Testu, lequel a esdits noms et quallitez eu et receu de noble homme maitre Laurens Leblanc, sieur de La Vallière, par les mains de damoiselle Marie Testu, sa femme a ce presente que luy a payé contant, presents ledit notaire et tesmoings, la somme de trois cens trente (six) trois livres six solz huict deniers tournois, faisant la tierce partie de la somme de mil livres tournois laquelle somme de mil livres tournois, Jehan Leblanc, filz dudit maitre Laurens Leblanc ou ledit sieur de La Vallière, pour sondit filz, sont chargez, payer et bailler [1v°] a tous les heritiers de ladite deffuncte, dame Marie de Poucher, par le moyen du don et legs testamentaire par elle faict audit Jehan Leblanc du lieu, fief, terre et seigneurie du Ruau et ses appartenances. Plus a receu esdits noms dudit maitre Laurens Leblanc, par les mains de ladite damoiselle Marie Testu, sa femme, la somme de six vingtz treize livres six solz huict deniers tournois, pour deux cinqes parties moictié de quatre cinmes couteumiere entre ledit sieur de Launay et le sieur de Ferières ès quallitez qu'il procedde, lesquelz deux cinqes ont esté ordonnez, estre baillez audit de Launay, par arrest de procusion[?] donné en la court de parlement a Paris , le vingt huictme jour d'avril dernier passé lesdites deux sommes montans l'ensemble a la somme de quatre cens soixante six livres treize solz quatre deniers tournois, de laquelle somme ledit sieur de Launay s'est tenu et tient contant, et en a esdits noms quicté et aquicté lesdits Leblanc et sa femme [2r°], et promect les en acquicter et garentir envers tous et contre tous, ladites damoiselle et ledit notaire stipulland et acceptans pour ledit Leblanc et elle, leurs hoirs, etc. et a ce faire et acomplir etc. oblige ledit sieur, soy, ses hoirs et biens etc. renoncans etc. Fidem. etc. dont etc. Presents Laurens Poupie, sieur de Bauge, et Jehan Guillon, clerc dudit sieur de St Germain , tesmoings appellez. constat en interligne des enffens de feu /(a) trois /(b) laquelle somme de mil livres tournois /(c) esdits noms /(d) Leblanc, que aprouvons.
[Signé] de Launay, B. Terreau.
Notes :
a. Signe inscrit par le scribe. — b. Signe inscrit par le scribe. — c. Signe inscrit par le scribe. — d. Signe inscrit par le scribe.
