1551, 9 mai — Tours

[Transcription partielle :] maistre Gacian Marbault, ou nom et comme soy faisant fort de honnorable femme, Claude Brodeau, veufve de feu maitre Leon Marbault, en son vivant grenetier d’Yssoudan , ses pere et mere d’une part, et Estienne Burault so demourant en ceste ville de Tours d’une part, et Estienne Burault demourant en la parroisse de Vie, tant en son nom que comme soy faisant fort de Geroquete[?] Robin, sa mere, veufve de feu Michau Burault, son pere, lesquelz ont ass et de Jehan Burault, son frere, ausquelz il a promys faire ratiffier et avoir pour agreable ces presentes dehs ung moys prochain ven quinze jours prochain venant, a peine de dix livres et de tous despens, dommages et judestz[?] d’aultre part, lesquelz ont congneu et confessé, [barré], avoir fait accordé et appoincté pour raison de certain proces, met ou espece monnoir ent[re] eulx, au siege royal dudit Tours , sur ce que ledit Marbault oudit nom disoit que par transaction cy devant faicte entre ledit deffunct Leon Marbault, son pere, d’une part, et lesdit Estienne et Jehan les Buraulx, tant en leurs noms que eulx faisans fors de ladite veufve, leur mere, d’aultre part, lesdit Buraulx tant pour eulx que pour leurdite mere, se seroient desistez et deportez de la possession et saisure d’une boissellee de terre mesnee de La Roche de Pouzay , faisant partie d’une piece de terre assise au lieu appellé Le Grant Essart, contenant sept boisselles de terre ou environ mesnee, d’angle joignant d’une part au bois d’Aspe une sente entre deulx et, d’autre part, au pré de L'Essart appartenant audit deffunct Marbault. Plus d’une demye boissellee de terre ou environ, faisant partie d’une piece de terre contenant troys boissellees et demye mesnee, d’angle joignant d’une part au pré de L'Essart apparentant audit [1v°] Marbault, et d’aultre a la terre du sieur de Thou , le chemin entre deulx. Plus d’une piece de pré par indivi contenant journee[?] de troys faulcheurs ou environ appellé le pré de L'Essart joignant d’une part aux terres du Grant Essart et d’aultre aux terres du Petit Essart, et d’icelles choses consenty ledit deffunct Marbault estre decl[aree]s vray sieurs proprietaire et possesseur pour de laquelle possession et saisure se departie par lesdits Buraulx, ledit deffunct Marbault les avoit faict convenir et ad[...]ner audit Tours sur quoy se seraoit ensuyvy certain proces sur lequel ladite transaction auroit esté faicte et accordee, par laquelle iceulx Marbaulx Buraulx auroient delaissé promys et se soient obligez de consentir les requestes et consaisures dudit Marbault et d’avantage auroient ceddé et delaissé audit deffunct Marbault tout le droit, nom, raison et action qu’ilz a ladite veufve Burault, leur mere, avoient et avoir pourient[?] ès terres et heritages qui sont depuys le chemin tirant du villaige et maison de La Garguelliere a l’angle et jusques a la riviere de Gardampe et au boys d’Aspe. Et pour ce que lesdits Buraulx n’auraient contrevenu a ladite obey a ladite transaction et qu’ilz y auroient contrevenu ladite veufve Marbault les avoit faict convenir et ad[...]ner audit Tours pour et afin qu’ilz eussent a satisfaire et obeyr a ladite transaction, et en ce faisant qu’ilz eussent a consentir les requestes et conclusions cy devant contre eulx promises par le deffunct Marbault et que desfenses leurs fassent faictes de non troubles et empescher ladite veufve Marbault en la possession et joyssance desdites terres et heritages, estans depuys le chemin d’angle jusques a la riviere de Gardampe [2r°] et boys d’Aspe. Par lequel accord et appoinctement ledit Estienne Burault, tant pour luy que soy faisant fort dudit Jehan Burault, son frere, et de ladite veufve Michau Burault, leur pere, promectant et re[...] ratiffier et avoir pour agreable le contenu en ces presentes comme dessus Ont consenty et consentent les requises et conclusions cy devant contre eulx promises, tant par elle que par ledit deffunct, et oultre en tant que besoing est ou seroit a esdits noms et soy faisant fort comme dessus deroger[?], delaissé et transporté a ladite veufve Marbault stipullant de la personne dudit maitre Gacian, son filz, acceptant pour ladite veufve, sa mere, tout tel droict, nom, raison et action que luy, ledit Jehan Burault, son frere, et ladite veufve Michau Burault, sa mere, avoient et avoir pourient[?] èsdites terres et heritages qui sont depuys ledite chemin d’angle jusques a ladite riviere de Gardampe et aux boys d’Aspe, et ce moyennant les conditions et choses apprisees en ladite transaction cy devant facte et accordee entre ledit deffunct Marbault et lesdits Buraulx, passee en la court de La Roche de Pouzay , le vingt cinq^me jour de janvier l’an mil V^c quarante et huict signee par Villers. Et en ce faisant demouré ledit proces nul et asoupyz et sans despens d’une part, et d’autre du consentement desdites parties, et quant a tout ce que dessus est dict tenir, garde et acomplie sans jamais aller faire ne venir encontre lesdites parties ont obligé et obligent eulx, leurs hoirs et tous et chacuns leurs biens, meubles et imeubles presents et avenir et mesmement ledit Estienne Burault son propre corps a tenir prison ferme comme pour les propres de […] et affaires du royaume [...] renonceans etc. Fidem. etc. faict audit Tours ès presences de maitre Cardin Arrault, procureur audit Tours, Estienne Mo Pierre Moron et Francois de Buez, clercs, tesmoings.
[Signé] B. Terreau, G. Marbault, C. Arrault pour present.