Marché passé entre Jean Mahondeau (ou Mahoudeau), marchand, et les maire, Robert Fichepain, échevins, René Lucas, Galliot Mandat et Jean Bengnon, et élus de Tours , Guillaume Charbonneau et Jean Ragneneau, en l'hôtel de ville, pour combler une brèche sur la Loire, entre l'île de Givot et une arche du grand pont face au château.



[Transcription partielle :] Noble homme Robert Fichepain, sieur de La Gougernniere(1) et Bellevene, maire de ceste ville de Tours , René Lucas, sieur du Plessis /(a) Galliot Mandat, sieur de La Jonchere, Jehan Bengnon, sieur de La Clerté, eschevins de ladite ville, et Guillaume Charbonneau et Jehan Ragneneau, esleuz d’icelle ville, estans congregues et assemblez cedit jourd’huy, en l’hostel et maison commune de ladite ville, traictans des negoces d’icelle d’une part, et sieur Jehan Mahondeau, marchant demourant en la paroisse de Montlouy , d’aultre part ; ledit Mahondeau promect ausdits maire et eschevyns de faire, pour et au proffit de ladite ville, ung batitz de paulx a triple ranc, qui contiendra six vingtz dixhuict toises de longueur en la riviere de Loyre, a icelluy commencer au coing et jouxte l’arche de grand pont de cestedite ville, sur laquelle arche est demourant Philippes Proust et du costé de l’avant bec de ladite arche, et continuer contremont, le long de la petite ysle Givot, devers le chasteau pour clore et fermer une breche, estant de present entre ladite arche et ladite ysle, par laquelle breche se perd l’eue de la riviere, remontant par icelle breche contremont et dessendant vers le meulin du sieur de Samblanczay /(b). Et l’oultre plus dudit batitz au dessus de ladite breche pour et afin de faire couler et venyr l’eaue de ladite riviere vers ladite ville, et lequel batitz sera faict en la maniere que s’ensuyt […]
[Signé] Fichepain, Mahondeau, B. Terreau.





Notes :

a. Signe inscrit par le scribe. — b. Signe inscrit par le scribe.
1. Pour la Goujonnière.



text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO638779.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)