Acte de vente de plusieurs terres situées au fief de La Romatière, en la parroisse de Notre-Dame-d’Oé , passé entre les vendeurs, Jacques Adam, secrétaire de la chambre du roi, et sa femme, Anne Leclerc, et les acheteurs, Victor Brodeau, secrétaire de la chambre du roi et des finances de la reine de Navarre , et sa femme, Marie Courtin.



[Transcription partielle :] nobles personnes Jacques Adam, sieur de La Gasserye, et damoiselle Anne Leclerc, sa femme de luy auctorisee quant a ce faict, demourant audit Tours , lesquelz ont confessé avoir vendu, ceddé, quicté, delaissé et transporté et, par ces presentes, vendent ceddent, quictent, delaissent et transportent a nobles personnes maitre Victor Brodeau, sieur de Candé, secretaire de la chambre du roy et des finances de la royne de Naverre , et a damoiselle Marie Courtin, sa femme, a ce presents et achaptans pour eulx, leurs hoirs et ayans cause les heritages cy apres declarez, situez et assis ou fief de La Romatiere, en la parroisse Notre Dame d’Oué , assavoir demy quartier de terre que avoyt esté acquis par Martin Girault et Alexon Dan, par contract passé par Pierre Boucart, notaire royal a Tours , le quatorziezme jour de septembre l’an mil Vc quarente sept, au doz duquel appert lesdites choses avoir [...] esté promises par promesses de fief par lesdits sieur Adrien [...] et sa [1v°] femme. Plus tous les blez, avoynes et choses par ladite damoiselle acquises de Jehan Bernard Le Jeune et aultres denommez ou contract passé par Martin Comandeau, notaire en ceste court, le dixhuictiesme jour d’octobre mil cinq cens quarente troys. Plus ung quartier de terre acqueis de Guillemyn Bourreau, Symon Guipoulleau, en dabte de douzeiesme jour de novembre mil Vc quarente quatre, par contract passé par Guillaume Pareniceau, lesquelles choses lesdits vendeurs ont promises par puissance de fief. Plus ung quartier et demy de terre vendu par Alexandre Dan a Mathurin Gilbert sur lequel ilz savoient aussi eu par retraict fereal. Plus ung arpent de terre en deux pieces acquises par Andre Baudiment et Guillaume Bourreau, sur lequel ilz l’ont aussi retiré par retraict fereal. Plus deux pieces de terre labourable […] ung arpent ou environ aussi acquis par ledit Baudyment et René Guillebert par contract passé par Ollivier, notaire [2r°] roial audit Tours le dix neufiesme jour de avril mil Vc quarente cinq, aussi retiré par retraict feodal par lesdits vendeurs. Plus ung arpent de terre acquis de Cyrot et Guillaume Dan par contract passé par moy, notaire, le seiziesme jour de novembre mil Vc quarente cinq. Plus ung quartier de terre par eulx acquis de Pierre Sercher par contract passé par nous, notaire, le penultieme jour de septembre mil Vc quarente cinq. Plus quatorze [...]ees et demye de terre acquis de René Bernard par contract aussi passé par moy, notaire, le dixiesme jour de janvier mil Vc quarente cinq. Plus demy quartier de terre acquis de Cyrot Dan par contract aussi passé par moy, notaire, le troysiesme jour de may mil cinq cens quarente six, et gnallement tout ce que est acquis par lesdits contractz cy dessus, lesquelz contractz et quictances des promises par promesses de fief ont esté parcelement bailliz ausdits acquereurs. Ensemble une seulement donnee par monsieur le bailly de Touraine ou son lieutenant a Tours , pour raison de ladite rente de blez et avoyne cy dessus, en dabte de trezeiesme jour de janvier mil Vc vingt cinq, signé Cottin Houtruau, avec une quictance d'arrerage payez a la veuve Amyret, en dabte du troysiesme jour de mars mil Vc quarente ung, signee B. Terreau, a avoir etc. o tout droit de saisine, prossession, etc. et pour en faire etc. La presente vendition faicte pour le pris et somme de troys cens dix livres t., laquelle somme de trois cens dix livres a esté payee contant [2v°] par ledit maitre Victor Brodeau, acquereur ausdites venditions, presents ledit notaire en tesmoings et testons ayans cours, dont ilz se sont tenuz contans et en quictent lesdits acquereurs. Promectant ladite damoiselle Anne Leclerc garentir lesdites choses cy dessus vendues a perpetuité ausdits acquereurs, envers tous et contre tous, et ledit sieur Adam et ses faictz promesses et obligations seullement et quant a tout etc. obligent lesdites venditions, eulx, leurs hoirs etc. biens etc. Renoncans etc. foy etc. dont etc. Presents noble homme maitre Galliot Mandat, sieur de La Chassetiere Jonchere, esleu dudit Tours , Galloys Lechevalier, natif de Mortaigne ou Perche , et Jehan Bernard, serviteur du sieur de La Gasserye, tesmoings appellez.
[Signé] Adam, Brodeau, Mandat pour present, Anne Leclerc, J. Bernard pour present, B Terreau, Lechevalier pour present.





text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO638819.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)