Bail de 6 ans pour une maison, sa cour, son jardin, ses étables et appartenances, situés rue de La Guerche à Tours , passé entre la propriétaire, Anne Prevost, veuve de Guillaume Creste, contrôleur de la maison du prince de Navarre , et le loueur, Jean Le Royer, conseiller et secrétaire de la reine et du prince de Navarre , pour la somme de 26 livres tournois



[Transcription partielle :] damoiselle Anne Prevost, veufve de de feu noble homme maitre Guillaume Creste, en son vivant contrerolleur de la maison de monseigneur le prince de Naverre , demourant audit Tours , laquelle a confessé avoir baillé et baille a louage a noble homme maitre Jehan Le Royer, conseiller et secretaire de la royne de Naverre et de monseigneur le prince, son filz, a ce present, prenant et acceptant audit tiltre de louage pour le temps de neuf six annees consecutifves sans intervalle, commanczans au jour Saint Jehan Baptiste prochain venant et finissans a pareil jour, ung corps de maison, court, jardrin, estables et appertenances en ung, tenant seans en ceste ville de Tours , parroisse Saint Hillaire, respondant sur la rue de La Guerche et joignant d’ung costé a la aux ma et par le derriere aux maisons et jardrins de m feu maitre Guillaume Bohier, sieur de Panchian, ou de present demeure noble homme maitre Victor Brodeau, sieur de La Chassetierre, d’aultre long a la maison de damoiselle Marie Papillon Prevost, seur de ladite bailleresse, pour en joir par ledit preneur comme ung bon pere de famille, tant luy que damoiselle Marguarite Brodeau, sa femme, durant ledit temps a la charge de l’entretenyr, de reparer de carreau des victres, sellement et moyennant le pris et somme de six vingtz livres t., que ledit preneur et sadite femme sont tenuz en payer de louage par chacun an a ladite veuve Creste en ceste ville de Tours , par les quartiers ordinaires, le premier escheant au jour sainct Michel prochain, et a continuer de terme en terme ledit temps durant et aussi est contract faict a la charge que si ladite bailleresse [1v°] durant lesdites neuf six annees vend ladite maison et choses baillees sans fraulde, en ce cas et non aultrement le faisant servira audit sieur bailleur et sa femme sont tenuz en sortir et desloger dehs ung an apres l’advertissement que ainsi sera faict de ladite vendaison /(a) Et aussi si bon semble ausdits preneur et sadite femme de desloger le faisant par eulx scavoir a ladite bailleresse, faire le pourront ung an apres et payeront le louage jusques a la revolucion dudit an apres ledit advertissement, et quant a tout ce que dessus est dict faire tenir et entretenyr, obligent lesdites partyes, respectivement, eulx, leurs hoirs et […] etc. et oultre ladite vendaison par ypothecque special, le fons et proprieté desdites choses louees, renoncans etc. Fidem. etc. dont etc. Presents a ce nobles homme maitre Thomas Lecoustellier, sieur du Puy, general des finances de ladite dame royne de Naverre , et de maitre Victor Brodeau, sieur de La Chassetierre et de Candé, conseiller et secretaire de ladite dame, tesmoings appellez, constat en interligne /(b) Six /(c) Prevost /(d) et non autrement que approuvons.
[Signé] Le Royer, Anne Prevost, Brodeau pour present, Lecoustelier, B. Terreau.





Notes :

a. Signe inscrit par le scribe. — b. Signe inscrit par le scribe. — c. Signe inscrit par le scribe. — d. Signe inscrit par le scribe.



text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO638835.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)