[Transcription partielle :] da[moisel]le Marie Leclerc, femme de noble homme maitre Thomas Lecoustellier, sieur du Puy, ou nom et comme soy faisant fort dudit sieur son mary, promectant luy faire ratiffier ces presentes, quant requise en sera, d’une part, et Gui honnorable homme Guillan Debatuy, fourrier de la maison de monseigneur le car[din]al de Lorraine 
demourant audit Tours , d’aultre part, lesquelz ont confessé avoir faict et font entre eulx les bail et prinse a louage qui s’ensuyvent. C’est asscavoir que ladite da[moisel]le oudit nom a baillé et baille a louage audit Debatuy, prenant et acceptant audit tiltre de louage du jour d’huy jusques au jour et feste saint Michel prochain venant, et dudit jour saint Michel prochain jusques a troys annees consecutifves sans intervalle, finissans a pareil jour, une maison, courtz, jardrin, estables et appertenances desdites choses ausdits sieur du Puy et sa femme, appertenant et ou lesdits bailleurs ont cy davant demouré en la rue des Cordeliers de ceste ville de Tours , paroisse Saint Pierre du Boille, pour en joir par ledit preneur comme ung bon pere de famille, a la charge de les entretenyr et mener reparations [1v°] de carreau et victres, comme elles y seront baillees et oultre moyennant la somme de quarente livres t. par an, premier payement commanczant a Noel prochain prochain, et a continuer de terme en terme, et ne payera rien ledit preneur dudit louage jusques a ladite feste saint Michel prochaine, et est dict et accordé entre eulx que si lesdits sieur du Puy et sa femme veullent reprendre en leur main lesdites maison et choses baillees, faire le pourront le faisant savoir troys moys d’avant apres lequel a l’advertissement sortira ledit preneur troys moys apres, et aussi si ledit preneur la veult quicter le faisant scavoir audit sieur bailleur ou a ladite damoiselle ou a nous, notaire, pour le faire faire savoir des lors n’en payeront plus de louage que troys moys apres qu’ilz sortiront. Aussi ont accordé que ledit preneur laissera besogner a parachever les maczons, charpentes, armuriers et aultres ouvriers requis au parachevement du corps neuf, et quant a tout etc. obligent etc. renoncans etc. foy etc. dont etc. Presents Jehan Aubert, serviteur dudit sieur, et Jehan Beziou, demourant Saint Pierre des Corps , tesmoings appellez.
[Signé] Marie Le Clerc, Gl. De Batuy, B. Terreau.
