Procuration donnée par Pierre et Mathurin Duperray, marchand, à leur frère, Jean Duperray, trésorier de la compagnie du roi de Navarre 
, pour faire les ventes et les baux à ferme ou à location de leurs biens, immeubles et héritages qu'ils ont en Touraine , en Anjou et ailleurs.
[Transcription partielle :] honnorables hommes sires Pierre et Mathurin Duperrays, marchans demourans aux forbourg et paroisse Sainct Siphorian des Pontz dudit Tours , lesquelz ont faict nommé, creé, constitué, ordonné et estably par ces presentes noble homme Jehan Duperray, conseiller du roi et tresorier et payeur de la maison compaignye du roy de Navarre , demourant audit Tours , paroisse Sainct Venant, leur frere, a ce present, leur procureur general et special o pouvoir de vendre, engager ou aultrement allienner avec ledit Jehan Duperray et noble homme Macé Duperray aussy tresorier general de la maison dudit roy de Navarre ou aultres que bon semblera a sondit leurdit frere et procureur et eulx, et chacuns d'eulx, seul et pour le tout, sans division de partye telz de leurs biens, immeubles et heritaiges qu'ilz ont, tant en ce pays de Touraine , Anjou que ailleurs, ainsi que leurdit frere et procureur verra les estre /(a) la vendition ou venditions qui ainsy seront ou pourront estre faictes a condiction de grace de remeré de tel temps que sera admis par leurdit procureur, ou constituer sur iceulx rente suyvant la demande, lesquelz heritaiges ilz veullent et entendent estre exprimez et declarez, par joignant et confrontant, promectre iceulx leursdits biens immeubles garantir a celluy ou a ceulx que feront l'achapt desdits heritaiges sur tout et chacun leurs aultres biens, meubles et imeubles, presents et advenir /(b) faicte l'achapt ou vendition par et jusques a la concurance de la somme de douze cens escuz d'or soleil et non plus, icelledite somme recepvoir de celluy ou ceulx que feront ledit achapt de telz, passer toutes et telles quitances que besoing sera, et par mesme myses reprandre iceulx leursdits biens et heritaiges a ferme ou louaige d'icellui ou ceux que fera ledit achapt pour et moyennant le prys et somme de douze cens escuz d'or soleil de cent escuz d'or soleil, [1v°] promectre icelle somme de cent escuz payer par chacun an et temps que de la grace qui sera contenue et mentionner par lesdits contract ou contractz ,et ce aux termes que seront portez et combien(c) par iceulx renoncer pour eulx constituer aux benefices de division, ordre de droict et de discention, et du tout en passer tous et telz contractz que bon semblera a leurdit frere et procureur, et en la meilleure et plus seant forme que faire se poura /(d) Et generallement etc. promectant etc. dont etc. faict et passé au bourg et paroisse de Sainct Pierre de Nazeres au logis dudit Pierre Duperray a l'heure de deux heures appres midy de cedit jour, ès presences de Rolland Poarre, serviteur de maitre Jehan Bousdron le Jeune, licencyé ès loix, et Jacques Tonneaulx, homme de bras, demourant en ladite paroisse Sainct Pierre de Nazeres, tesmoings a ce appellez et a ledit Tonneaulx declaré ne scavoir signer.
[Signé] Duperray, Poarre, M. Duperray, J. Lefebvre.
Notes :
a. Signe inscrit par le scribe. — b. Signe inscrit par le scribe. — c. Terme incertain. — d. Signe inscrit par le scribe.
