Vente par Georget Troillart et Phelipe, son épouse, à Pierre Richault de trois minots de terre en une pièce, sur le terroir de la Voie-Dessus, pour sept livres tournois.
Georget Troillart, texier en toilles, et Phelipe, a present sa femme, et auparavant femme de feu Pierre Chappeau, demourans a Chartres 
, icelle Phelipe fille et heritiere en partie de feuz André Richault et sa femme, vendent etc a touzioursmes a Pierre Richault, demourant a Morancees , acheteur, present etc, pour luy etc, troys minotz de terre prins en ung septier de terre en une piece assis au terrouer de la Voye Dessus, juxte les religieuses, abbesse et couvent de l'Eaue d’une part et d’un bout, et ladite Phelipe a cause du surplus dudit septier d’autre part, abutant abutant (a) d’autre bout a ladite Voye Dessus, en la censive de la seigneurie de Ver , a telz cens et droiz seigneuriaulx comme etc. Heritaige a ladite Phelipe etc. Vente faicte pour sept livres tournois, dont etc, quictant etc, promectant et garantissant, obligeant, renoncant etc. Presens a ce pour tesmoins Jehan Brebier et Guillaume Troillart, demourans a Chartres .
Notes :
(a) sic.
