Vente par Adenet Lanole à Gilet Troillart de deux pièces de vignes au clos Poirier Batailleret et d'un creux de maison à La Taye , pour dix-huit livres cinq sous tournois.
Adenet Lanole, demourant a Fontenay sur Eure , vent etc a tousioursmes a Gilet Troillart, marchant cousturier, demourant a Chartres , acheteur, present etc, pour luy etc, deux pieces de vignes assises au cloux du Poirier Batailleret ; l’une piece contenant ung quartier ou environ, juxte Perrot Lanole d’une part, et Georget Lanole d’autre part, abutant d’un bout a Guillaume Fardeau, et d’autre bout a Jehan Theule ; l’autre piece contenant demy quartier ou environ ou y a au bout dabas une borde et plusieurs arbres portant fruict, juxte Loys Gracian d’une part, et d’autre le mur dudit cloux entre deux, abutant d’un bout a Phelipot Lanole, et d’autre bout audit Guillaume Fardeau ; item ung creux de maison prins en ung habergement assis a Ataye , du costé et juxte ledit Loys Gracian d’une part, et Mathery du Moust Moulin d’autre part, avec communaulté en la court dudit habergement pour aller et venir de la rue dudit lieu d’Ataye audit creux et dudit creux ausdites deux pieces de vigne cy dessus declarees. Le tout en la censive des doyan et chappitre de Chartres , a telz cens et droiz seigneuriaulx comme etc. Vente faicte pour dix huit livres cinq solz tournois, dont etc, quicte etc. Promectant et garantissant, obligeant, renoncant etc. Presens a ce pour tesmoings Georget Lanole, frere dudit vendeur, demourant audit lieu d’Ataye , et Pierre Proust, demourant a Ver .