Bail à ferme de trois pièces de terre, situées en la paroisse Saint-Étienne de Tours et à Larçay 
, passé entre les propriétaires, François Huré, Jean Perrault, brodeur du roi, Gilbert Rousseau, contrôleur de la maison de la reine de Navarre , Jacques Bigot, Gatien Pinguet, Jean Delahaye, Marie Duson et la veuve de Jean Techain, et le fermier, René Duque, marchand boucher.
Le seiziesme jour de juing l'an mil Vc soixante et dix, en la court du roy nostre sire a Tours , fut present en sa personne maitre Mathurin Perdriau, au nom et comme procureur de honorables personnes maitre Francoys Huré, Jehan Perrault, brodeur du roy, maitre Gilbert Rousseau, Jacques Bigot, Gatien Pinguet, maitre Jehan Delahaye, Marye Duson, veufve de feu Berthelemy Gueston, et de la veufve feu Jehan Techain, ainsy qu'il a informé par lettres de procuration en dacte du douziesme jour de decembre dernier, lequel oudit nom a baillé et affermé et, par ses presentes, baillé et a ferme a sieur René Duque, marchant boucher demourant en ceste ville de Tours , ad ce present et acceptant une piece de pré appellee La Hacquente Blanche, contenant quatre arpens soixante chesnes ou environs, sise pres Saint Saulmeur, paroisse Sainct Estienne de ceste ville de Tours . Plus une autre piece de pré contenant quatre arpens cinquante cinq chesnes ou environ, sise en la prarye ou lieue pres Saint Saulmeur en ladite paroisse Saint Estienne. Plus une autre piece de pré appellé Le Pele Arpent du Moulin de Larcay, contenant troys quartiers ou environ, situé en la prarye de l'Aubraye, paroisse de Larcay , et tout ainsy que lesdites pieces de pré [1v°] se poursuyvent et comportent, et qu'elles ont esté acquises par les dessusdits de monseigneur l'archevesque de Touche ou procureur pour luy, par contract passé par devant Gouffert et Braodeau, notaires royaulx audit Tours , en dacte du huictiesme jour de janvyer mil Vc LXIX, et desquelles presentes de prez ledit procureur a dict savoir la situation pour les avoir en la derniere annee faict faulcher et fener soubz le nom desdits bailleurs. La presente ferme faict pour ceste presente annee et cuillette seullement mil Vc LXX pour en payer de ferme par ledit procureur audit bailleur oudit nom au jour et feste Saint Martin d'hiver prochain venant, la somme de six vingtz cinq livres t. rendue audit terme en la maison dudit bailleur oudit nom. Et quant a tout etc. obligent etc. Renoncans. etc. fid. etc. faict audit Tours , ès presences de Bertrand Chauveau et Jehan Truelle le Jeune, clercs dudit Tours , tesmoings.
[Signé] R. Duque, Perdriau, Digoys.
