Acte de vente de la seigneurie de Vallières, aux Hermites , en Vendômois , passé entre le vendeur, Gaillard Galland, trésorier de la maison de la reine de Navarre , et l'acheteur, Gatien Marbault, conseiller et secrétaire de la reine de Navarre , pour la somme 825 livres dont restent à payer six cents livres tournois. L'acte est biffé et finalement déclaré nul par Gaillard Galland.



Le mardy dernier jour d'octobre l'an mil Vc soixante dix, en la court du roy nostre syre a Tours , personellement estably et deuement soubzmis Blaise Butyer, clerc de noble homme maitre Gaillard Galland, sieur de Vallieres, tresorier de la maison de la royne de Navarre , ou nom et comme procureur specialle dudit Galland son maitre, comme il a fet aparoir par lettres de procuration passee en la court du bay Bas de Vendosmoys par devant Lemoyne, notaire, le XXVII jour du present moys, signee Lemoyne et scellee /(a) soubzmets etc. lequel a cogneu et confessé aujour Et encores ledit Butyer, comme son faisant fort dudit Galland, auquel il a promis et sera tenu faire, ratiffy etc. avoir pour agreable le contenu en ces presentes, et en fournyr de lettres de ratiffycation a l'achapteur cy apres nommé, dehs en cestedite ville dehs quinze huict jours prochains venans, et peyer et soubzmettre etc. Lequel vendeur Butyer esdits noms et de chacun d'eulx, seul et pour le tout, sans division de partye, a promis et promect cogneu et confessé avoir vendu, ceddé, quicté, delaissé et transporté et, par ces presentes, vend, cedde, quicte, delaisse et transporte, dehs a present a toujoursmays, perpetuellement par heritaige, a moble homme maitre Gatien Marbault, sieur de Beauvoys, conseiller et secretaire de ladite dame royne, a ce present et achaptant, agré pour luy, ses hoirs et ayans cause, la somme le lieu, fief, tere et seigneurye de Vallieres ses apartenans et deppendances audit, ainsi qu'il se poursuyt et comporte, avecques ses apartenances et deppendances, situes en la paroisse des Hermittes , oudit pays de en Vendosmoys , et sans consistant en quatre mestairyes, boys de halte fustayt, prez, vignes et maisons, manoirs et basties, et sans outre chose en excepter, reserver et retenir par ledit vendeur, et a la charge des droictz et debvoirs autians(b) sergen[...] eulx que ledit lieu peult debvoir que lesdites partyes n'ont sceu aultrement declarer a au[...] par nom et tiltre du vendeur comme l'a esté et est fait pour le pris somme et six demourer par ledit vendeur oudit nom quict envers ledit achapteur de la somme de six cens livres t., en laquelle ledit Galland estoit est tenu et obligé envers ledit [1v°] vendeur achapteur pour le reste de la vendaison des heritaiges cy davant, et des le premier jour de janvoyer mil Vc soixante sept vendu par ledit Marbault audit Gallant, par contract passé par devant le ledit jour par devant ledit notaire pour la somme de mil quatre vingts livres t., de laquelle somme de se six cens livres t. moyennant(c) la presente vendaison ledit Marbault vendeur est tenu pour contant, et en a quicté et quicte ledit Galland #(d)lequel aussi moyennant(e) ce demoura quicte de ladite somme de VIc t. envers ledit Marbault#(f) Et A quart retenu par ledit vendeur et a oudit nom et a luy donné et (...) par ledit achapteur telle que (...) et quictes que jours(g) d'huy en ung an prochain an prochain venant, icelledite vendeur oudit no Galland rend, payera et baillera ladite somme de six cens livres [...](h) et les loyalx, coustz, fraiz et mises de ladite a ung seul et entier payement en #(i)et jusques au jour du remboursement#(j) par ladite ville avecques et les arreraiges de la f[...] cy apres au prorata du temps, en ce cas la presente vendaison sera et demourra nulle et comme non faite et advenue, et ont lesdites par et a ledit vendeur oudit nom et en vertu de sadite procuration esté d'accord que combien que parties contract qu'il a esté fai cy davant faict appel des heritages de la presente de tere vendue par ledit Marbault audit Galland, par le contract cy dessus dabté et mentionné, et que par iceluidit arpentaige ladite pieze les heritaiges vendue se trouve je contenir vingt sept arpens et demy seullement contans(k), que par ledit contract de vendaison f en soit vendu trente six arpens, lequel nombre de vingt sept arpens et demy a la raison de trente livres par chacun arpent pour, a laquelle somme a esté fet ladite vendaison revient en total a la somme de huict cens vingt cinq livres, de laquelle restent a payer ladite somme de six cens livres t. pour laquelle est fet ladite ve presente vendaison de laquelle moyennant(l) laquelle icelledite Galland en demoure contant comme dict est envers ledit achapteur,et par ces mesmes presentes, a ledit Marbault baillé et baille per ces presentes a tiltre de ferme audit Butyer oudit esdits noms ladite ledit lieu, tere et seigneurye de Vallieres, ses apartenances et deppendances, pour en jouyr audit tiltre pourchast et durant ledit temps d'ung an que dura ladite grace, commenczant du jour d'huy et finissant a pareil jour ledit an revollu pour en payer pour ladite annee la somme [2r°] de cinquante livres t. par aux derniers jours des m[ois](m) d'octobre et avril, par moictyé et esgalle portion, premier terme de payement commenczant le dernier jour d'avril prochain venant, rendu par chacun d'iceulx en cestedite ville en la maison dudit bailleu ve achapteur, a payé etc. et oultre a la charge de payer par ledit vendeur dudit noms les charges et debvoirs mentionnees cy dessusdit, deuz pour raison dessus choses et en acquicté ledit achapteur sans dymynution de ladite tere, et en acquicté ledit achapteur, et de jouyr audit tiltre d'icelles choses comme ung bon pere de famille doibt et est tenu faire, et est accordé par expres que a faulte de faire ratiffyer ces presentes audit par ledit Butyer lesdites presentes audit Gallant, et en fournyr de ratiffycation audit Marbault comme dessusdit Deni est dict demourroit desc[...] presentes nulles si bon semble audit Marbault, lequel en ce faisant demourra en ses droictz comme auparavant, et quant a tout etc. obligent lesdites partyes l'une a l'aultre etc. less[...] le ledit Marbault, tous et chacuns ses biens, presents et advenir, et ledit Butyer esdits noms aussi tous et chacuns ses biens et ceulx dudit Galland, presents et advenir, renonczans etc. mes[...] icelledite Butyer au beneffice de division d'ordre et de discenssion etc. fet etc. jugé etc. faict audit Tours , es presences de noble homme Adam Delonguemort, au varlet de chambre de ladite dame royne, et Jehan Prieur servyteur dudit Marbault, tesmoings.
[Signé] Delonguemort, Marbault, Buthier, Pryeur comme present, Digoys(n).
Et le sixiesme jour de novembre oudit an Vc soixante dix, en presence de moy, notaire royal a Tours soubzsigné, et des tesmoings cy apres nommez, honorable homme maitre Jehan Forget, advo[cat] [2v°] au siege presidial de Tours , ou nom et comme procureur et ayant charge quant a ce comme il a dict de noble homme Gaillard Gallant, tresorier de la maison de Navarre la royne de Navarre , nommé cy dessus a declaré e noble homme maitre Gatien Marbault, secretaire de ladite dame royne, a ce present que comme du nom (...) adverty du contract cy des de vendaison cy dessus faict Blaise Butyer comme soy disant procureur dudit Gallant audit Marbault du lieu et seigneurye de Vallieres, a plain des[...] par ledit contract qu'il n'avoit(o) pour agreable le contract de vendaison, et qu'il desadvoyt le consen[tement](p) et obligation presté et baillee par ledit Butyer pour et en son, et partant amoy[...] dudit desadveu et declaration dudit Forget oudit nom, commect le payement ce jourd'huy faict pour et ou nom dudit Galland audit Marbault de la somme de six cens livres t. Est ledit contract cy dessus du consentement dudit Marbault demoura et demourt par ces presentes nul repelu(q), et comme non faict et advenu du consentement dudit, #(r) et comme tel a esté predtenement bisfé et #(s) lequel Marbault partant est desisté et departy, desiste et departy pourchast presentes de l'effet d'icelluy, et y a renoncé et renonce ledit Forget oudit nom en tant que besoing est ou seront a ce present et acceptant, dont ledit Marbault a esté juge faict audit Tours , es presence de noble homme maitre Francoys Delafosse recepveur des aydes et tailles en l'eslection de Loches et Jehan Prieur, servyteur dudit Marbault, tesmoings. Constat en marge et comme tel a par le presente bisfé /(t) Et en interligne soy disant /(u) faict et de l'effet d'icelluy que approuvent.
[Signé] Marbault, Forget, Delafosse, J. Pryeur comme present, Digoys.
Et le neufiesme jour desdits moys et an, en ladite court, personellement estably et deuement soubzmis ledit Gaillard Galland, lequel apres lecture a luy faite de la declaration susdite dudit Forget, pour et en son nom et adnullement dudit contract, a icelledite declaration aprouvee, consentye et eeue pour agreable, ensemble l'adnullement dudit contract dont il a esté jugé par Bertrand Chauveau et Jehan Truelle le Jeune et Jouachim Marchant, clercs, tesmoings.
[Signé] Gallant, Digoys.





Notes :

a. Signe inscrit par le scribe. — b. Terme incertain. — c. Terme incertain. — d. Signe inscrit par le scribe correspondant à l'ouverture d'une parenthèse. — e. Terme incertain. — f. Signe inscrit par le scribe correspondant à la fermeture d'une parenthèse. — g. Terme incertain. — h. Barré. — i. Signe inscrit par le scribe correspondant à l'ouverture d'une parenthèse. — j. Signe inscrit par le scribe correspondant à la fermeture d'une parenthèse. — k. Terme incertain. — l. Terme incertain. — m. Acte coupé à cet endroit. — n. L'acte est biffé jusqu'à ces signatures. — o. Terme incertain. — p. Résolution d'abréviation incertaine. — q. Terme incertain. — r. Signe de renvoi inscrit par le scribe. — s. Signe de renvoi inscrit par le scribe. — t. Signe inscrit par le scribe. — u. Signe inscrit par le scribe.



text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO638989.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)