Prolongation de réméré sur le fief de La Roche Preston, accordée par Marie Brodeau, dame de La Jonchère et veuve de Galiot Mandat, élu de Tours , à Claude Decorbin, chevalier de l'ordre du roi.



[Transcription partielle :] damoiselle Marie Brodeau, veufve de feu noble homme maitre Galiot Mandat, vyvant sieur de La Jonchere, demourante audit Tours , tant en son nom que comme tutrice et son faisant fort des enffans dudit deffunct et d'elle, et en chacun desdits noms (...) laquelle a prolongé et prolonge par ces presentes a messieur Claude Decorbin, chevalier de l'ordre du roy, sieur de Boisbonnard, a ce present requerant et acceptant la grace et faculté de renouever et retirer le lieu, fief, terre et seigneurye de La Roche Preston, ses apartenances et deppendances, cy davant et des le XXVe jour d'avril mil Vc soixante et quatre, vendu par ledit sieur de Boisbonnard audit deffunct Mandat par contract passé par davant Desrayes, notaire royal, et ce a grace comme encores duré par le moyen des prolongations d'icelle contynuelles jusques au XXVe jour du present moys, comme ledit sieur de Boisbonnard a fet aparoir par les actes desdites prolongations, la presente prolongation faict par ladite damoiselle ousdits noms, a commencer dudit XXVe jour du present moys que expire ladite grace jusques a deux ans prochains venants apres ensuys, sans aulcunement prejudice et desrogation au reste dudit contract (...) en payer de ferme par chacun desdites annees par ledit sieur de Boisbonnard, pour ce deuement soubzmis etc. a ladite damoiselle ousdits noms la somme de soixante et douze livres t. payable par les demyes [1v°] [annees aux] XXVe jours des moys d'octobre et avril (...), en cestedite ville en la maison de ladite damoiselle, a payer etc. en oultre a la charge de payer par ledit sieur de Boisbonnard les rentes, charges et debvoirs des pour raison dudit lieu et seigneurye de La Roche Preston, et en acquicter ladite damoiselle par chacune desdites annees (...) faict audit Tours, es presences de noble homme maitre Jullian Odin, sieur des Grans Maisons, et Jehan Bourreau, notaire en la chastellerye de Saint Branches , demourans audit Tours , tesmoings.
[Signé] Decorbin, Marie Brodeau, J. Odin pour present, Bourreau present, Digoys.





text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO639039.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)