Bail de 5 ans de la métairie du Verger, située en la paroisse Saint Venant et Sainte Geneviève de Maillé , passé entre le propriétaire, Macé Lopin, valet de chambre du roi de Navarre , et le laboureur, Guillaume Cheneau.



[Transcription partielle :] noble homme Macé Lopin, sieur de La Gitonnyere, varlet de chambre du roy de Navarre , estant de present en ceste ville de Tours , lequel a baillé (...) a tiltre de moictié de mestairie a Guillaume Cheneau, laboureur demourant en la paroisse de Mactray, (...) pour le temps de cinq annees commenczans le jour de Toussainctz prochain venant, le lieu et mestairie du Verger, situé ès paroisse de Sainct Venant et Saincte Geneviefve de Maillé (...), ledit bail fait a la charge, promesses et conditions portees et contenues par le bail a tiltre de neufve(a) cy davant faict de ladite mestairie par noble homme Claude Gayant, sieur de Clery, et Jacques Bouquart, passé par devant Daulphin, notaire, le treiziesme jour de febvrier mil Vc soixante et onze, duquel a esté faict et octroyé audit procureur, lequel apres icelle entendre a promis satisfaire et accomplir lesdites choses et conditions selon la forme et fine[...] dudit bail, lequel Bouquart, a ce present, a consenty le present bail encores que le bail a luy faict par ledit sieur de Clery ne fust et soit expiré, et oultre est faict le present bail a la charge comme si damoiselle Marie Gangnepain, femme dudit Gaiant et ususfruictiere dudit d[...] et mestairie quitoit sondit ususfruict ou alloit de vie a trespas durant cedit bail, en ce cas demourra ledit bail nul sans que ledit bailleur soit tenu en aulcun de somme, assavoir envers ledit preneur pour les aultres que resteroient dudit bail #(b) #(c) et sera tenu ledit bailleur de bailler audit preneur, oultre le foing qui est de present en la grange dudit lieu, une chartet de foing, a la charge que ledit preneur sera tenu a la fin de ce present bail laisser pareil nombre de foing qu'il luy en sera baillé et laissé. Et a ceste fin sera ledit foing estant audit lieu bien et fortifié pour scavoir quel nombre ilz en a, pour a la fin dudit bail en rendre pareil nombre par ledit preneur avecques ledit chartet qu'il luy sera baillee comme dict est Et quant a tous (...) faict audit Tours , es presences de Nicollas Lebeau, proficureur(d) demourant audit Tours et Jouachim Marchant, clerc dudit Tours , tesmoings. Et a ledit preneur declaré ne scavoir signer.
[Signé] Lopin, Boucard, Le Beau pour present, Marchant pour present, Digoys.





Notes :

a. Terme incertain. — b. Signe de renvoi à une note en marge, inscrit par le scribe. — c. Signe de renvoi à une note en marge, inscrit par le scribe. — d. Terme incertain, métier non recensé.



text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO639045.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)