Avenant de l'acte précédent soit de la cession faite par Pierre Babosseau, brodeur de la reine de Navarre , à Claude Pele, marchand de Tours , de la somme de 1962 livres et 10 sols tournois que Pierre Babosseau doit recevoir pour ses ouvrages faits pour la reine de Navarre .



Le vingt et ungiesme jour de novembre l'an mil Vc soixante et treize, en la court du roy nostre sire a Tours , personellement establyz et deuement soubzmis honorables hommes sires Nicollas Drou sire Claude Pele, marchant demourant audit Tours , et Pierre Babosseau, marchant brodeur audit Tours , lesquelz ont recongneu et confessé de bonne foy que conv en faisant le transport ce jourd'huy faict par ledit passé entre eulx par davant moy, notaire soubzsigné, ilz ont accordé comme encores accordent par ces presentes ce que s'ensuyt, encores qu'il ne soyt porté par ledit transport. C'est assavoir que la et au cas que ledit Pele, apres avoir faict insinuer ledit transport a maitre #(a) #(b) Michel Barenger, conseiller et tresorier general de la maison et finances du roy de Naverre , ou a maitre Claude Poullain, commis a la recepte generalle du duché de Vendosmois , et aultre icellui requis et sommé de payer ladite somme la somme de dixneuf cens soixante deux livres dix solz t., ceddee par ledit transport audit Pele. Icelluy Pele ne peust estre payé de ladite somme en suyvant le mandement a du roy de Naverre adressé audit Barenger et Poullain et. En ce cas, en informant par ledit Pele ledit Babosseau du du simple reffuz dudit Barenger ou dudit Poullain faict apres le premier terme de payement d'icelle somme escheu, demourera ledit transport nul. Et ledit Pele remys en ses droictz comme auparavant icelluy en rendre par ledit Pele audit Babosseau ledit mandement et aultres pieczes dabtees et mentionnees par ledit transport, baillé par ledit Babosseau audit Pele, sans que icelluy Pele soyt tenu informé ny faire aultres dilligences pour le recouvrement de ladite somme, jusques au parfaict payement de laquelle demourera l'obligation et cedulle dabtez et que mentionnes par ledit transport que ledit Pele a dudit Babosseau en leur force et vertu. Et a ceste fin sont lesdites obligation et cedulle demourees ès mains dudit Pele qui sera tenu de les rendre audit Babosseau, estan estant payé de ladite somme de XIXc LXII l. X s. t. sans lesquelles clauses cy dessus ledit Pele n'eust stipellé et accepté #(c) #(d) ledit transport comme icelledites partyes ont esté recongneu et confessé dont elles ont esté jugees. Et a ce tenir etc. obligent lesdites partyes etc. renoncans etc. fid. etc. jugé etc. faict audit Tours , ès presences de Jouachim Marchant et Jehan Nau, clercs dudit Tours , tesmoings.
[Signé] Nau pour present, C. Pele, Babosseau, Marchant pour present, Digoys.





Notes :

a. Signe de renvoi à une note en marge, inscrit par le scribe. — b. Signe de renvoi à une note en marge, inscrit par le scribe. — c. Signe de renvoi à une note en marge, inscrit par le scribe. — d. Signe de renvoi à une note en marge, inscrit par le scribe.



text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO639058.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)