Accord passé entre Marie Brodeau, dame de La Jonchère et veuve de Galiot Mandat, élu de Tours 
, et Claude Decorbin à propos du fermage du fief de La Roche Preston, situé à Monts . Claude Decorbin, fermier des terres, voit son fermage prolongé de deux ans (pour la somme de 100 livres par an) sur les terres reçues en héritages par Marie Brodeau et ses enfants.
[Transcription partielle :] damoiselle Marie Brodeau, veufve de feu noble homme Galiot Mandat, vivant sieur de La Jonchere, demourante en ceste ville de Tours , pour et et comme faisant fort des enfants dudit deffunt et d'elle, prolonge a monsieur Claude Decorbin, chevallier de l'ordre du roy, sieur de Boisbonnard, la grace et faculté de retirer le lieu, fief, terre et seigneurie de La Roche Preston, situé en la parosse de Mons , dès le vingt cinquiesme jour d'avril mil Vc soixante et quatre, vendu par ledit sieur de Boisbonnard audit deffunt Mandat par contract passé ledit jour par davant De Rayes, lors notaire royal, ladite prolongation faicte a commencer du [25 avril 1576] dernier passé jusques a deux ans prochains. Ledit sieur de Boisbonnard doit payer de ferme par chacune desdites annees la somme de cent livres t., payables par les demyes annees aux XXVe jours des moys d'octobre et avril par moictié, rendue en cestedite ville de Tours , en la maison de ladite damoiselle, et oultre il a la charge de payer les rentes, charges et debvoirs deubz, et de jouyr aud. tiltre desdites choses comme ung bon pere de famille doibt et est tenu faire, et sera tenu et a promys ledit sieur de Boisbonnard faire rattifier et avoir pour agreable ledit contract de vendaison a dame Marthe Dupuy, sa femme, et en fournyr de ratiffication vallable a ladite damoiselle en sa maison audit Tours , dehs huict jours prochain venants (...). Faict audit Tours , ès presences de Jehan Foussart, serviteur de ladite damoiselle, et Abraham Nau, clerc dudit Tours , tesmoings.
[Signé] Corbin, Marie Brodeau, Nau pour present, Foussart pour present, Digoys.
