Contrat de mariage unissant Jérôme Binet, sieur des Bauldes, à Anne Gaultier, fille de Jean Gaultier, de son vivant sieur de Chemillé, et d'Anne de Troyes.



[Transcription partielle :] Le sabmedy quatriesme jour de avril l'an mil VC soixante dixneuf, [...] [...le] homme Jherosme Binet, sieur des Bauldes, demourant en ceste ville de Tours , d'une part, et damoiselle Anne Gaultyer, fille de deffunct noble homme Jehan Gaultyer, vyvant sieur de Chemillé, et damoiselle Anne de Troyes, d'aultre part, lesquelz ont faict et font entre eulx les accords et traicté de mariaige (...). C'est assavoir que ledit Binet, de l'advis et consentement de nobles hommes maitres Pierre Binet, recepveur des aydes et tailles du Mans , Paoul Binet, sieur de La Borde, Loys Binet, controlleur de la maison de mondit seigneur, Foucques De La Salle, sieur de Bourchevreau, bourgeoys et eschevyn de cestedite ville, Nicollas Leclerc, sieur de Courcelles, conseiller du roy, juge et lieutenant general au bailliage de Touraine , Victor Brodeau, sieur de Candé et de La Chassetyere, secretaire de la chambre du roy, damoiselle Anne Binet, veufve de feu noble homme maitre Victor Barquyn, vyvant sieur de Montisfroy, et aultres damoiselle (blanc) Testu, femme et espouse de Laurens LeBlanc, escuyer, sieur de La Valliere, et aultres, tous parens dudit Jherosme Binet, a ce presens et pour ce assemblez, a promis et promect par ces presentes prandre par loy de mariaige ladite damoiselle Anne Gaultyer, de l'auctorité, voulloir et consentement de noble homme Nicollas de Troyes, sieur de Bois Regnault, conseiller du roy, tresorier general de France en la charge d'Oultre Seyne et Yonne estably a Paris , ayeul maternel, tuteur et curateur de ladite Anne Gaultyer, a ce present, et par le conseil et advis de nobles hommes maitres Claude de Troyes, aussi conseiller dudit seigneur, tresorier general de France en ladite charge, Mathurin Davenel, viconte de Peralx et sieur de Bon Repos, Francoys Testu, sieur de La Grange, Jehan LeBlanc, sieur de Reau, aussi conseiller du roy, tresorier general de France en la charge et qualité de Languedoil estably audit Tours , Jehan Legras, aussi conseiller de roy et general en sa court des aydes a Paris , Jullian Chalopin, recepveur des aydes et tailles audit Tours , noble et discret maitre Estienne Papillon, [1v°] licensié ès droictz, sieur de Villamnay, [...] en l'eglise monsieur Saint Martin de Tours , damoiselle [Marie Testu], femme et espouse de Laurens LeBlanc, esc[uier sieur de La] Valliere, Laurens Le Blanc, filz, aussi conseiller du roy, magistrat au siege presidial de Tours , René Gaultyer, sieur de [La Millardaire(a) (...) Francoys] Joubert, greffier de ladite ville et communaulté de [Tours , et René] du Vernay et aultres, tous parens et amys de ladite Anne [Gaultyer], tant du costé paternel que maternel [...], aussi a ce presens et pour assemblez, a promis et promect prandre ledit Jherosme Binet a mary et espoux. Et ont iceulx futeurs espoux en festiner et solempniser les espousailles en face de Saincte Eglise, toutesfoy et quantes que l'ung par l'aultre en sera requis et que a ce nostre mere Saincte Eglise se y accordera. Et prandra ledit futeur espoux ladite Anne Gaultyer, avecques ses droictz et biens, tant meubles que immeubles, a elle escheuz a cause des successions de sesdits deffuncts pere et mere et selon les partaiges, pays naigueres faictz d'iceulx entre elle et ses freres et seurs ou leurs curateurs, et est accordé que de la somme de seize cens soixante six escuz deux tiers a quoy montent les deniers contans de ladite future espouse demourera commung et ameubly jusques a la somme de mil escuz (blanc). Et le surplus montant la somme de six cens soixante et six escuz deux tiers sera tenu ledit futeur espoux employer en acquest ou acquestz de rente ou heritaiges qui sortira et sera censé nature de propre a ladite future espouse et aux siens, et ce dehs ung an prochain venant. Et si aulcunes rentes ou heritaiges propres a ladite future espouse estoient vendues ou rentes rachaptes constant ledit mariaige, ledit futeur espoux sera tenu remployer le pris qui proviendra desdits [2r°] (...) [2v°] (...) ses habitz, livres, chevaulx ou aultres meubles jusques a la concurrence de la somme de cinq cens escuz, et ladite future espouse, ses habitz, bagnes et joyaulx et aultres meubles jusques a la concurrence de pareille somme de cinq cens escus, et a ledit futeur espoux doné et donne ladite futeure espouse de douaire prefix jusques a la somme de cent escus par chacun an, si myeulx elle n'ayant opter le douaire coustumyer en cas qu'il ny ayt enffens, quant audit cas d'option rachaptable icelluy douaire de la somme de douze cens escuz sol. pour la seurité et assignat duquel douaire sera employé par ledit futeur espoux en achapt de rente ou heritaige jusques a ladite somme de douze cens escuz, dehs ung an prochain venant, et auquel employ et achapt lesdits maitre Pierre Binet et Delasalle, en leurs propres et privez noms et chacun d'eulx, seul et pour le tout, (...) se sont obligé et obligent avecques ledit futeur espoux, tous et chacuns leurs biens, presens et advenir, (...) [3r°] (...). Faict audit Tours , en la maison dudit sieur Davenel, ès presences des dessusdits et de Thomas Perault, serviteur dudit sieur de Bois Regnault, et Pierre Janary, clerc dudit Tours , tesmoings.
[Signé] Detroyes, Binet, B. Papillon, F. Delasalle, Detroyes, Davanel, Anne Gaultier, Legras, Anne Binet, Binet, M. Testu, Leblanc, Testu, M. Leclerc, J. Chalopin, Binet pour present, Brodeau, Gaultier, Joubert, Binet, Davernay, Leblanc, Digoys, P. Janary, Perault present.





Notes :

a. Transcription incertaine.



text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO639084.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)