Bail de neuf années du grand clos de vignes de Panchien, passé entre le propriétaire, Jean Le Royer, conseiller et secrétaire des finances des roi et reine de Navarre , et le vigneron Jean Loiseau, logé sur les lieux, pour seulement des fouasses et des poulets.



[Transcription partielle :] noble homme Jehan Le Royer, sieur de Panchien, conseiller et secretaire des finances des roy et royne de Navere , demourant en ceste ville de Tours , parroisse Sainct Venant, d'une part, et Jehan Loiseau, vigneron, demourant en la parroisse Sainct Siphorien des Ponts de Tours , d'aultre part, ledit Loiseau a promis et sera tenu faire de ses quatre fagons ordinaires bien et deuement en temps et saison convenable ainsi qu'il appartient le grand cloz de vigne dudit lieu de Panchien, de prandre tel nombre de vignerons que bon luy semblera pour faire lesdits quatre fagons dudit cloz de vigne qui seront payez par ledit sieur bailleur ou par icelluy Loiseau, advenant que lesdits quatre fagons exceddent la somme de (blanc), a raison de quatre escuz ung tiers par arpent, ne pourra nourrir audit lieu que troys ou quatre poulles et ung cocq au plus, lesquelz il sera tenu enfermer sy separamee(a) auparavant le temps des vendanges, afin qu'ils ne puissent entrer en vignes dudit lieu et lesdites vendanges passees les laissera aller comme auparavant, abres, la somme de vingt cinq solz t. pour chacun cent desdits proings que ledit sieur bailleur sera tenu payer apres (...), ce present bail faict pour le temps de neuf annees, durant lequel temps sera ledit preneur logé en deux chambres de maison consecutifves et grenier dessus, et oultre pour loger le bestail dont lesdites partyes commendront par ensemble ledit sieur bailleur, luy baillera encores unt aultre chambre consecutifve aux deux aultres, sera tenu icelluy preneur payer et bailler par chacune desdites annees audit sieur bailleur une fouasse ou gasteau de demy boisseau de fleur de froment au premier jour de l'an et quatre poullets, et pour la presente et premiere desdites neuf annees il payera audit bailleur au jour de Nostre Dame de my aoust quatre poullets seullement. Et a ledit sieur bailleur, en faveur de ces presentes, baillé audit preneur la mestine de la mestairye dudit lieu de Panchien (...). Faict audit Tours , en la maison dudit sieur de Panchien, a l'heure de neuf heures du mattin, ès presences de Denis Tourneulx, serviteur dudit sieur de Panchien, René Oranche, vigneron de ladite parroisse Sainct Siphorian des Ponts, oncle dudit preneur, et Jehan Aumont, clerc demourant audit Tours , tesmoings. Et ont lesdits preneur et Oranche declaré ne scavoir signer.
[Signé] LeRoyer, Tourneulx, Aumont pour present, Digoys.





Notes :

a. Terme incertain.



text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO639107.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)