Procuration donnée par Nicolas Fillastre, marchand pourvoyeur de la maison de la reine de Navarre 
, pour recevoir les sommes dues par plusieurs marchands de Nantes et Bordeaux à Jean Lhuillier et Pierre Jennyn, deux marchands de Tours .
Le neufiesme jour de juin l’an mil VC quatrevingtz ung, en la court du roy nostre sire et de monseigneur a Tours , par devant Charles Bertrand, notaire royal en icelle, fut present en sa personne et deuement soubzmis etc. honorable homme Nicollas Fillastre, pourvoyeur en la maison de la royne de Navarre , demourant a Chinon , lequel a fait et constitué son procureur (blanc), auquel ledit constituant a donné et donne plain pouvoyr, puissance, auctorité et mandement special de recepvoir, pour et en son nom, comme ayant les droictz par transport de sires Jehan Lhuillier et Pierre Jennyn, marchands audit Tours , les sommes de deniers des personnes cy apres declerees, desnommeez ès cedulles comme s’ensuyt. Assavoir de S[...] Reau, bourgeoys et marchand a Bourdeaulx , la somme de cent trente neuf escuz sol. et dix huict solz, restant du contenu en sa cedulle montant la somme de deux cens soixante huict escuz et quarente cinq solz t. du sezeme mars mil VC quatre vingtz. Plus de Vincent Teste, marchant, la somme de soixante quatre escuz neuf solz cinq deniers t., restant de la somme de cent soixante quatre escuz et neuf solz cinq deniers t., contenu par cedulle de Jehan Teste, filz dudit Vincent, faicte a Nantes le vingtiesme jour de juin mil VC quatre vingtz, signee J. Teste. Plus de Robert Huet, bourgeoys et marchand a Bourdeaulx , la somme de cinquante six escuz trente quatre sols neuf deniers, restant du contenu par sa cedulle montant la somme de cent six escuz sol. et trente quatre sols neuf deniers t., dabtee du XXVe jour de juillet apres mil VC quatre vingtz. Plus de Jehanne de La Fontan, veufve de feu Jacques Raymond, demourante a Bourdeaulx , la somme de quatre vingtz ung escuz sol. et dix huict solz. six deniers t., reste du contenu en sa cedulle montant la somme de cent quatre vingts ung escuz sol. et dix huict solz t., en dabte du dernier jour d’aoust oudit an mil VC quatrevingtz. [1v°] Plus de Jehan Carricart, bourgeoys et marchand audit Bourdeaulx , la somme de trente ung escuz deux tiers par
sa cedulle du troisiesme jour de novembre oudit an. Plus de Martin Petit, en compagnye d’Augier Petit, faicteurs de Pierre Rousgent, marchands audit Bourdeaulx , la somme de trois cens trente cinq escus sol. et cinquante sept solz t. par ceddulle du huictme novembre oudit an, et par autre cedulle dudit Petit de onze escuz sol. et quarente ung solz troys deniers t., du XXme novembre oudit an mil VC quatre vingtz. Et pour les causes contenues par lesdites cedulles du receu soy tenyr contant oudit nom et faisant lesdits payements cy dessus, rendre respectivement lesdites cedulles avec telles quictances que besoing sera et, en deffault desdits payements, et chacun d’iceulx contraindre les desnommez esdites cedulles et chacun d’iceulx au payement desdites sommes par les voyes de justice en tel cas requis. Et pour ce faire, plaider si besoing est opposer, appeler et faire tous actes et autres choses requises et necessaires au faict de plaidoyerie et ordre de droict, eslire domicille et de substituer autres procureurs quant au fait de plaidoyerye semblable et iceulx revocquer, si besoing est a la charge que des denyers qui seront ainsi que dict est receuz en tenyr bien compte et revoqua audit constituant. Et generallement etc. Promettant etc. Obligeant etc. Resp. etc. Faict et passé audit Tours , en l'estude dudit notaire, a l'apres midy, ès presences de honorable homme maitre Bonadventure de Vaulx, grenetier pour le roy a Tours , et maitre Maurice Marchand, gardevaiselle de la royne de Navarre , demourant a Amboyse , tesmoings.
[Signé] N. Fillaistre, Maurice Marchant, Devaulx, Bertrand.
