Marché passé entre Adam de Longuemort, seigneur de La Goguerie, valet de chambre des roi et reine de Navarre , et les jardiniers Martin Regnard et Mathurin L'Huellier, pour des aménagements au jardin de l'abbaye Saint-Julien de Tours (création d'une allée, nettoyage du jardin, arrachage des rosiers pour les planter le long du mur de la ville, description des arbres fruitiers), pour lesquels ils sont payés 12 écus sol. Le marché est passé en la maison abbatiale de Saint-Julien, en présence de Thibault Chereau, receveur de la seigneurie de Mer , et de Loys Bellay, serviteur d'Adam de Longuemort. Il est suivi d'une quittance du 10 février 1582, correspondant à la réception des travaux, faite en la maison abbatiale de Saint-Julien, l'après midi, en présence de Pierre Goddefroy , serviteur de Percard, et de Loys Berrard, serviteur d'Adam de Longuemort. Monsieur de Percard, frère de monsieur l'abbé, donne aux deux jardiniers la somme de 5 écus pour les récompenser des dépenses réalisées pendant l'aménagement.



Le dixiesme jour de janvier l'an mil VC quatre vingtz deux, en la court du roy nostre sire et de monseigneur a Tours , par devant Charles Bertrand, notaire royal d'icelle, furent present en leurs personnes et deuement soubzmis Martin Regnard et Mathurin L'huellier, jardinyers demourans en la paroisse de Saint Pierre des Rives dudit Tours , lesquelz ont promys et se sont obligez envers monsieur l'abbé de l'abbeye Saint Jullien de Tours , en la personne de noble homme Adam de Longuemort, sieur de La Goguerye, varlet de chambre des roy et royne de Navarre , present, demourant audit Tours , present et acceptant et ayant chargé quant a ce dudit sieur abbé. C'est assavoyr que lesdits Regnard et L'Huellier, eulx et chacun d'eulx, seul et pour le tout, sans division de personnes ne de biens, renonczans aux beneffices de dicsencion et division, priorité et postériorité, ont promys, promettent et seront tenuz de bech[...]er tous entierement et relisser et nettoyer bien le grand jardin de ladite abbaye Saint Jullien de Tours , bien et deuement vuir, dresser et estallier la terre d'icelle, a l'accorde de Lyrieau(a) de Aemy(b), a autre sellon et ainsi que presentement adste(c) diviser(d) conveant(e) et accorde, au mellieu duquel jardin y aura une grand allee qui sera faicte en raire creux et de telle largeur que commandra, et aussi abattront la treillis estant de present audit jardin et icelle mectront et dresseront en forme de lysse en fournissant par ledit de Longuemort apres de [1v°] de poirx, peches et plum necessaires pour la dresser, et aussi arracheront les roziers estant de present audit jardin et iceulx replanteront le le long des murailles de la ville estans audit jardin du costé d'am bas, le tout bon et deuement faire dehs la cy(f) febvrier prochain venant a pleut(g) etc. Et ce pour et moyennant la somme de douze escuz sol. laquelle ledit de Longuemort promect payer audit nom ausdits Regnard et L'Huellier, assavoir quatre escuz sol. d'advance les et en commanczans lesdits besoigns,et en besegnant payant fin de besoigne fin dudit payement et a esté payé comtant d'advance par lesdits ledit sieur de Longuemort ausdits payements ung testen(h) pour le vin de marché dont ilz s'en tiennent comptans et en quictent ledit de Longuemort audit nom /(i) Et quant a tous obligent lesdites partyes, tout l'une a l'aultre et audit nom, renoncans etc. Promys etc. Foy etc. Jugez etc. Faict et passé audit Tours , en ladite abbye Saint Jullien, presentent Thibault Chereau, recepveur de la seigneurye de Bleré , et mondit sieur l'abbé au lieu de Bleré et Loys Bellay, serviteur dudit sieur de La Goguerye, tesmoings. Et ont dict lesdits preneurs et tesmoings et ne scavoir signer.
[Signé] DeLonguemort, Bertrand.
[En bas de la page :] Et le dixiesme jour de febvrier audit an mil VC quatre vintz et deux, en presence dudit notaire royal susdit soubzsigné et tesmoigné en apres, lesdits Martin Regnard et Mathurin L'Huillier, jardinyers desnomez, deladite part ont receu presentement comptant dudit sieur de La Goguerye pour mondit sieur l'abbé de Saint Jullien, la somme de quatre escuz sol., faisant et parfaict et entier payement de ladite somme de douze [2r°] escuz sol. mentionnez audit marché cy dessus et pour les raisons cy contenus. Et ont tout a ce confessé avoyr du et receu auparavant ce jour dudit sieur de La Goguerye pour ne par sieur l'abbé la somme d'un escu quarente huict solz t. Pour avoir par eulx finy et paulx(k) par choses et plumes audit jardin et plus lesdits Regnard et L'Huellier ont receu par luy comptant de monsieur de Percard, frere de monsieur l'abbé, la somme de cinq escuz et dix(l) sol. qu'il leur a donnee pour les recompenser de perte quilz ont conseue et construissente pour faire et anouveller ledit jardin oultre(m) et et par dessus lesdits douze escuz sol. cy dessus par eulx receuz [...], laquelle somme de cinq [...] escuz sol. leur a esté payee par des des le par ledit sieur de La Goguerye ou par cy comme il a dict et, desquelles seront et pour les causes est lesdits Regnard et L'Huellier, sedit tiennent comptes et dudit payement respectivement et quictent messieur l'abbé de le par sieur de La Goguerye et les aultres par l'aprouvent fetz audit Tours , en la maison abbatial d'icelle abaye, apres midy, present A[...], leur part, ad (...) et Loys Berrard, serviteur dudit sieur de La Goguerye, tesmoings. Et dictent lesdits Regnard, L'Huellier et Berrart ne scavoyr signer aultres en parct dudit Pierre Goddfroy, serviteur dudit aupar sieur de Percard. Constat interligne leur des ledit comme il a dict et respectivement, que approuvent.
[Signé] Bertrand.





Notes :

a. Transcription incertaine — b. Transcription incertaine. — c. Terme incertain. — d. Terme incertain. — e. Terme incertain. — f. Terme incertain. — g. Terme incertain. — h. Terme incertain — i. Signe inscrit par le scribe. — j. Terme incertain. — k. Terme incertain. — l. Dix ou d'un. — m. Terme incertain.



text encoding initiativePowered by XTF
Centre d'Études Supérieures de la Renaissance
Cette œuvre est mise à disposition selon les termes de la Licence
Si vous utilisez ce document dans un cadre de recherche, merci de citer cette URL :
http://renumar.univ-tours.fr/xtf/view?docId=tei/TIPO639267.xml&doc.view=print;chunk.id=n1
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0).
Creative Commons Attribution - Pas d’Utilisation Commerciale - Partage dans les Mêmes Conditions 4.0 (CC BY-NC-SA 4.0)