Hector Demaniquet, conseiller du roi, conseiller et maître d'hôtel ordinaire de la reine de Navarre 
, grand maître des eaux et forêts de France , aux provinces de Languedoc , Provence et Daulphiné , fait part à Simon Testu et Pierre Langloys, tous deux conseillers du roi et receveurs généraux de ses finances à Tours , de la procuration qu'il a reçu de la reine de Navarre pour qu'ils abandonnent leur charge comme Loys Hubault, démis de sa fonction de conseiller et trésorier. La copie de la procuration signée par la reine de Navarre au château de Nérac devance l'acte.
Dans le chasteau de la ville de Nerac , ce jourd'huy sezeme du moys d'aoust mil cinq cens quatrevingtz ung, apres midy, par davant moy, Pierre Debaret, notaire royal de ladite ville, et tesmoings bas nommez, haulte et puissante dame la reine de Navarre , seur unicque du roy, pour certaines causes et considerations concernant le bien de ses affaires, a faict et constitué son procureur maitre Hector de Maniquet, son conseiller et maitre ordinaire de son hostel et grand maitre des eaux et forestz de France , ès provinces de Languedoc , Provence et Daulphiné , et a icellui donné et donne, par ces presentes, plain pouvoir, puissance, auctorité et mandement special de clorre la main a maitre Loys Hubault, son tresorier general, et aultres sieurs tresoriers et recepveurs generaulx et particulliers, leur interdire de par sa ma[jes]té tout exercice et maindement du faict de leur charge, tresorerye et recepte, faisant deffenses tres expresses a tous ses recepveurs et fermiers generaulx et particulliers et aultres de ne se dessaisir aulcunement, ne vuider leurs mains des deniers qu'ilz ont ou pourront avoir apartenans a ladite dame, nonobstant tous arrestez et saisyes faictz ou a faire, tous mandemens, acquectz, rescriptions et ordonnances que ladite dame, son general et intendant de ses finances et son tresorier ou aultres pourront avoir expediees et delivrees, et pour ce que dessus faire toutes choses que ledit sieur de Maniquet advisera estre convenables et necessaires, promectant, en soy et parolle de royne, avoir pour agreable tout ce que par icellui pour ce regard sera faict, geré, [1v°] negotié, et jusques a ce que autrement par sa ma[jes]té en soyt ordonné. Presents René Vertre, sieur de Vau, et Claude Janet, varlet de fourriere de ladite royne, et moy, signez en l'original Marguerite /(a) René Vertrie, Claude Janot et DeBaret, notaire royal.
Collation faicte a l'original et ce faict rendu.
Aujourd'huy, vendredy vingt neufiesme jour de decembre l'an mil cinq cens quatre vingtz ung, en presences de moy, Charles Bertrand, notaire royal a Tours soubz signé, et des tesmoings soubz scriptz, noble homme maitre Hector Demaniquet, conseiller du roy nostre sire et de la royne de Navarre , maitre ordinaire de l'hostel de ladite royne et grand maitre des eaux et forestz de France , ès provinces de Languedoc , Provence et Daulphiné , estant de present audit Tours , lequel, au nom et comme procureur special de ladite royne de Navarre , s'est adressé aux personnes de noble homme maitre Simon Testu et Pierre Langloys, conseillers du roy et receveurs generaulx de ses finances establyz audit Tours , ausquelz parlans ledit sieur de Maniquet leur a exibé, insinué, notiffié et faict assavoyr la procuration et pouvoir a luy donné par ladite dame royne, dont coppye est cy dessus par nous transcripte et collationnae a son original, [2r°] de laquelle et du present acte leur a esté laissé coppie a ce que contenu oudit pouvoir ilz n'en pretandent cause d'ignorance et de n'y contrevenir en ce qu'il leur peult toucher et apartenir pour leur regard, a cause de leurs charges et offices respectivement, dont audit sieur de Maniquet, oudit nom, ce requierant, avons octroyé le present acte pour luy valloyr et servir ce que de raison. Faict audit Tours , a la recepte generalle des finances, en la maison dudit Testu, environ troys heures d'apres midy, ès presences de Pierre Thomas et Gervaise Collin, clercs audit Tours suyvans les finances, tesmoings a ce requis.
[Signé] Demaniquet, Collin present, Bertrand.
Notes :
a. Signe inscrit par le scribe.
